2025-yil 14-iyundan 13-iyulga qadar AQShning 11 ta shahrida o‘tkaziladigan Klublar o‘rtasidagi Jahon chempionati oldidan, Opta nashri turnirga oid o‘z taxminlarini e’lon qildi.
Superkompyuter tomonidan 10 mingta simulyatsiya asosida tayyorlangan bashoratga ko‘ra, musobaqaning asosiy favoriti “PSJ” hisoblanadi. Klubning turnirda g‘alaba qozonish ehtimoli 18,5 foiz deb baholangan. Ikkinchi pog‘onadan Angliyaning “Manchester Siti” klubi joy oldi — 17,8 foiz. Kuchli uchlikka 12,8 foizlik natija bilan “Bavariya” yakun yasagan.
Chempionlar Ligasi finalchisi “Inter” 4-o‘rinda qayd etilgan bo‘lsa, “Real” 5-pog‘onadan joy oldi.
Da’vogarlar ro‘yxati quyidagicha (top-10):
- “PSJ” — 18,5 foiz
- “Manchester Siti” — 17,8 foiz
- “Bavariya” — 12,8 foiz
- “Inter” — 12,3 foiz
- “Real Madrid” — 9,8 foiz
- “Chelsi” — 8,4 foiz
- “Borussiya Dortmund” — 5,4 foiz
- “Atletiko Madrid” — 5,1 foiz
- “Yuventus” — 3,6 foiz
- “Benfika” — 3,3 foiz
Eslatib o‘tamiz, “PSJ” 2024/25-yilgi mavsumda ajoyib mavsum o‘tkazdi. Klub bir mavsumda to‘rtta sovrin — Fransiya chempionati, Kubogi, Superkubogi va Yevropa Chempionlar Ligasi — g‘olibi bo‘ldi.
Izoh (0)