Transfermarkt portali Ispaniya La Ligasida harakat qiladigan futbolchilarning transfer qiymatini yangiladi. Ma’lumotlarga ko‘ra, “Real Madrid”ning braziliyalik yulduzi Vinisius Juniorning bozor bahosi 30 million yevroga pasayib, 170 million yevroga teng deb baholanmoqda.
Shuningdek, Ispaniya chempionatining va umuman dunyo futbolining eng qimmat futbolchisi deb “Barselona” vingeri Lamin Yamal e’tirof etildi. Uning transfer qiymati 200 million yevroga yetdi.
“Real”ning fransiyalik hujumchisi Kilian Mbappe ham 10 million yevroga qimmatlashgan va hozirda uning narxi 180 million yevroga teng. “Qirollik klubi”da shuncha qiymatga ega yana bir futbolchi bor — Jud Bellingem. Ayni paytda u ham Mbappe bilan birga “Real”ning eng qimmat futbolchilaridan biri hisoblanadi.
Shuningdek, “Barselona” yarim himoyachisi Pedrining qiymati ham 20 million yevroga qimmatlashgan. Ayni payt ispaniyalik futbolchining narxi 140 million yevroni tashkil qiladi.
Izoh (0)