Penalti zarbasi paytidagi “ikkinchi teginish” bo‘yicha yangi tartib tasdiqlandi. Bu haqda Xalqaro futbol qoidalarini belgilaydigan IFAB tashkiloti xabar berdi.
Endi penalti ijrochisi to‘pga ikki marta tasodifan tegib yuboradigan bo‘lsa (masalan, tepish paytida oyog‘i to‘satidan sirpanib ketib, to‘pga dastlab tayanch oyog‘i orqali va keyin to‘g‘ridan to‘g‘ri uriladigan bo‘lsa) va bunday vaziyatda to‘p darvozaga kirib ketsa, hakam zarbani qaytadan ijro etishga ruxsat beradi.
Amaldagi qoidalarga ko‘ra, bunday holatda gol bekor qilinishi va raqib jamoaga erkin zarba berilgan bo‘lardi.
Mazkur o‘zgarish 2025-yilning 1-iyulidan rasman kuchga kiradi.
Maʼlumot uchun, ushbu qoida so‘nggi YECHLning nimchorak finalida – “Real” – "Atletiko Madrid" o‘rtasidagi penaltilar seriyasida muhokamalarga sabab bo‘lgandi. Unda argentinalik hujumchi Xulian Alvaresning zarbasi qoidaga zid deb topilgan va gol bekor qilingandi.
Izoh (0)