Англиялик футболчи Трент Александер-Арнольд Мадриднинг “Реал”ига ўтгани ҳақида фикрларини билдирди.
Бугун, 12 июнь куни футболчини таништириш маросими ўтказилган эди. Футболчи ўзига берилган имконият учун барчага раҳмат айтди.
Мен “Реал” мухлисларига ўз ўйинимни кўрсатиш имкониятини интиқлик билан кутяпман. Бу ерда ўйнаш қандай масъулият эканини яхши тушунаман. Бор кучимни ишга соламан ва кўплаб совринларни ютиш учун ҳаракат қиламан, дейди ҳимоячи.
Ўз навбатида “Реал” клуби президенти Флорентино Перес ҳам Трент Александер-Арнольд ҳақида гапирди. У, аввало, барча совринларни ютган футболчи, дунёнинг энг яхши қанот ҳимоячиларидан бири ва “Ливерпуль” афсонаси “Реал”га ўтганини таъкидлади.
Энди у “Реал”да тарих яратишни давом эттирмоқчи ва бизнинг футболкани кийиш қувончини ҳис қилмоқчи. Биз Трентга миннатдорлик билдирмоқчимиз, чунки у бошқа жамоаларга ўтиши ёки “Ливерпуль” каби клубда қолиши мумкин эди, лекин у бизни танлади, чунки бу ерда ўйнашни хоҳлади, деди Перес.
Изоҳ (0)