2003-yilda tashkil etilgan Golden Boy (Oltin bola) mukofoti bugungi kunga kelib Yevropadagi eng nufuzli individual sovrinlardan biriga aylangan. Bu mukofot har yili Yevropa klublarida to‘p surayotgan eng iqtidorli yosh futbolchiga topshiriladi.
Mukofot dastlab Italiyaning Tuttosport nashri tomonidan yo‘lga qo‘yilgan bo‘lsa-da, hozirda unda Fransiyaning L’Equipe, Germaniyaning Bild va Angliyaning The Times kabi nufuzli ommaviy axborot vositalari ham ishtirok etadi. 2003-yildan beri bu sovrinni eng ko‘p qo‘lga kiritgan mamlakat Ispaniya bo‘lib, besh nafar ispan futbolchisi g‘olib bo‘lgan.
Mukofot odatda yil oxirida topshiriladi va bir kalendar yildagi natijalar inobatga olinadi. Amaldagi g‘olib “Barselona” futbolchisi Lamin Yamal hisoblanadi. Ammo reglamentga ko‘ra, kataloniyalik futbolchi bu sovrinni yana bir bor yuta olmaydi.
Ayni paytda “PSJ” a’zosi Dezir Due asosiy nomzod bo‘lib turibdi. “Arsenal” futbolchisi Lyuis-Skelli ikkinchi o‘rinni egallagan bo‘lsa, “Barselona” himoyachisi Pau Kubarsi kuchli uchlikka kirgan.
Golden Boy 2025 sovrini uchun 15 nafar nomzod:
- Dezir Due – 03.06.2006 – Yarim himoyachi/vinger – “PSJ”
- Mayls Lyuis-Skelli – 26.09.2006 – Himoyachi/yarim himoyachi – “Arsenal”
- Pau Kubarsi – 22.01.2007 – Himoyachi – “Barselona”
- Din Xeysen – 14.04.2005 – Himoyachi – “Real Madrid”
- Itan Nvaneri – 21.03.2007 – Yarim himoyachi/vinger – “Arsenal”
- Varren Zair-Emeri – 08.03.2006 – Yarim himoyachi – “PSJ”
- Kenan Yildiz – 04.03.2005 – Hujumchi – “Yuventus”
- Tom Bishof – 28.06.2005 – Yarim himoyachi – “Xoffenxaym”
- Eliesse Ben Seghir – 16.02.2005 – Hujumchi – “Monako”
- Endrik – 21.07.2006 – Hujumchi – “Real Madrid”
- Jorrel Xato – 07.03.2006 – Himoyachi – “Ayaks”
- Arda Gyuler – 25.02.2005 – Yarim himoyachi – “Real Madrid”
- Jevoni Kvenda – 30.04.2007 – Vinger/himoyachi – “Sporting”
- Klaudio Echeverri – 02.01.2006 – Vinger/yarim himoyachi – “Manchester Siti”
- Kobbi Maynu – 19.04.2005 – Yarim himoyachi – “Manchester Yunayted”.
Izoh (0)