O‘zbekistonda 21 mlrd so‘mlik 18 ta davlat xaridi qonunchilikka zid tarzda o‘tkazilishining oldi olindi, deb xabar bermoqda Korrupsiyaga qarshi kurashish agentligi.
Unda keltirilishicha, Korrupsiyaga qarshi kurashish agentligi tomonidan joriy yilning yanvar—aprel oylarida davlat buyurtmachilari tomonidan 21 mlrd so‘mlik 18 ta davlat xaridida qonun buzilishi holatlariga yo‘l qo‘yilgani aniqlandi.
Jumladan:
- Toshkent viloyati hokimligi huzuridagi Toshkent viloyatida biznes markazlarini qurish direksiyasi 2,2 mlrd so‘mlik ;
- “Tadbirkorlikni rivojlantirish kompaniyasi” AJ 313 mln so‘mlik;
- Beshariq tumani tibbiyot birlashmasi 300 mln so‘mlik;
- Dehqonobod tumani hokimligi 189 mln so‘mlik;
- Ellikqal’a tumani maktabgacha va maktab ta’limi bo‘limi 95 mln so‘mlik;
- Raqamli texnologiyalar vazirligi huzuridagi Raqamli hukumat loyihalarini boshqarish markazi 56 mln so‘mlik davlat xaridlarida “Davlat xaridlari to‘g‘risida”gi qonun talablariga zid ravishda o‘zaro affillangan shaxslar ishtirok etishiga imkon yaratgan.
Shuningdek:
- “Dehqonobod kaliy zavodi” AJning 10,8 mlrd so‘mlik;
- Nurafshon shahar tibbiyot birlashmasining 1,9 mlrd so‘mlik;
- G‘uzor tumani obodonlashtirish boshqarmasining 1,9 mlrd so‘mlik;
- Dehqonobod tumani obodonlashtirish boshqarmasining 1,1 mlrd so‘mlik;
- Tabiiy va aniq fanlarga ixtisoslashtirilgan S.H.Sirojiddinov nomli akademik liseyning 573 mln so‘mlik;
- Termiz Olimpiya va paralimpiya sport turlariga tayyorlash markazining 572 mln so‘mlik;
- Amu-Surxon irrigatsiya tizimlari havza boshqarmasi huzuridagi Nasos stansiyalari va energetika boshqarmasining 520 mln so‘mlik;
- Sirdaryo viloyati hududiy qurilish va uy-joy kommunal xo‘jaligi sohasida nazorat qilish inspeksiyasining 83 mln so‘mlik;
- Yangiobod tumani tibbiyot birlashmasining 45 mln so‘mlik;
- Mo‘ynoq tumani hokimligining 40 mln so‘mlik davlat xaridlaridagi baholash jarayonida qonunbuzilishi holatlari aniqlandi.
Mazkur holatlar yuzasidan agentlikning taqdimnomalari bilan xarid komissiyasining g‘olibni aniqlash haqidagi bayonnomalari bekor qilinib, noqonuniy davlat xaridlarining oldi olindi.
O‘rganish va tahlillar jarayonida to‘plangan hujjatlar esa qonuniy chora ko‘rish uchun huquqni muhofaza qiluvchi organlarga yuborildi.
Eng ko‘p yashirilgan hujjatlar qaysi viloyatga tegishli
Vodiy viloyatlari hamda shahar va tumanlari hokimliklari, shuningdek, mahalliy kengashlar tomonidan 2025-yilning 1-yanvaridan 31-yanvar kuniga qadar “E-qaror” platformasi orqali jami 3 435 ta hujjat imzolangan.
Eng ko‘p hujjat Namangan viloyatiga tegishli bo‘lib, oy davomida hokimlik va kengashlar tomonidan 1 311 ta qaror va farmoyish qabul qilingan. Farg‘ona viloyatida esa 1 302 ta, Andijon viloyati hokimliklari tomonidan esa qo‘shni viloyatdagi hamkasblariga nisbatan ancha oz, 822 ta hujjat imzolangan.
Izoh (0)