Bugungi kunda ko‘pchilik sog‘lom ovqatlanish va vazn nazorati haqida o‘ylaydi. Biroq ba’zida to‘g‘ri ovqatlanishga qaramay, ochlik hissi tez-tez bezovta qiladi. Aslida esa, shunday tabiiy mahsulotlar bor-ki, ular ishtahani nazorat qilishga yordam beradi, ochlik hissini kamaytiradi va ortiqcha ovqatlanishning oldini oladi. Quyida sizga ilmiy tadqiqotlar asosida isbotlangan, ishtahani samarali kamaytiruvchi 7 ta foydali mahsulot ro‘yxati tuzildi.
Bodom
Bodom — bu antioksidantlar, E vitamini va magniy manbai hisoblanadi. Shu tufayli u qonda shakarni nazorat qilishga, ichak faoliyatini yaxshilashga va yurak-qon tomir kasalliklari xavfini kamaytirishga yordam beradi. Ammo bu hammasi emas: 2019-yilgi tadqiqotga ko‘ra, bodomni yengil tamaddi sifatida iste’mol qilish ochlik hissi va yog‘li mahsulotlarga bo‘lgan ishtiyoqni kamaytiradi.
Qahva
2017-yilda International Journal of Food Sciences and Nutrition jurnalida chop etilgan tadqiqotga ko‘ra, ovqatlanishdan 30-40 daqiqa oldin ichilgan kofein ishtahani bostiradi.
Faqat esda tuting: agar siz ekspresso yoki amerikano ichimligingizga shakar, sirop, sut yoki qaymoq qo‘shsangiz, bu effekt yo‘qqa chiqadi.
Avokado
Avokado — haqiqiy “superfud” sanaladi. 2019-yilgi ilmiy tadqiqotlarga ko‘ra, avokadoni iste’mol qilgandan so‘ng, to‘qlik hissi uchun mas’ul bo‘lgan gormonlar darajasi oshadi.
Tuxum
2010-yildagi tadqiqotga ko‘ra, nonushtada bir yoki ikkita tuxum iste’mol qilish, shu miqdordagi kaloriyani o‘z ichiga olgan non yeganga qaraganda odamga 24 soat davomida ko‘proq to‘qlik hissini beradi.
Suv
Ochlik his qilyapsizmi? Ehtimol, bu chanqoqlikdir. 2010-yildagi tadqiqot natijalariga ko‘ra, ovqatdan oldin ikki stakan suv ichgan odamlar, suv ichmaganlarga nisbatan har bir ovqatlanish vaqtida 75-90 kilokaloriyaga kam iste’mol qilgan.
Shirin kartoshka
Agar siz oddiy kartoshkaga muqobil izlayotgan bo‘lsangiz, mana sizga topilma. Shirin kartoshka tarkibida maxsus turdagi kraxmal mavjud bo‘lib, u oshqozonda uzoqroq saqlanadi va to‘qlik hissini ko‘proq ushlab turadi.
Ko‘k choy
Olimlar tomonidan 2012-yilda Appetite jurnalida e’lon qilingan hisobotga ko‘ra, yashil choy “keyingi ovqatlanish vaqtida kamroq energiya (kaloriya) iste’mol qilish bilan bog‘liq”. Ya’ni, ovqatdan oldin ko‘k choy ichsangiz, kamroq ovqat yeysiz. Bu effekt choydagi kofein tufayli yuzaga keladi.
Izoh (0)