“Qoraqalpog‘iston Respublikasida mehmonxona xizmatlarini rivojlantirish hamda qulay shart-sharoitlar yaratish chora-tadbirlari to‘g‘risida”gi Vazirlar Mahkamasi qarori qabul qilindi.
Hujjat bilan 3 yulduzliga aylantiriladigan mehmonxonalarga subsidiya berish tartibi belgilanmoqda.
Subsidiya Qoraqalpog‘iston hududida faoliyat yuritayotgan, ilgari yulduz toifasiga ega bo‘lmagan va 3 yulduzli toifaga aylantirilgan mehmonxonalarga beriladi.
Subsidiya miqdori – har bir xona uchun 20 million so‘m. Subsidiyani olish uchun davlat xizmatlari markaziga yoki YIDXP orqali murojaat etish lozim.
Subsidiyani to‘lab berish to‘g‘risida qaror qabul qilingan kundan 10 ish kuni ichida mablag‘lar tadbirkorlik subyektining hisob raqamiga o‘tkazib beriladi.
Subsidiyani olgan tadbirkorlik subyekti mehmonxona xizmatini ko‘rsatishi hamda yulduzli toifani kamida 5 yil mobaynida saqlab turishi kerak. Aks holda, tadbirkorlik subyekti olgan subsidiya mablag‘larini qaytarishga majbur (qaytariladigan mablag‘lar miqdori faoliyatni davomiyligidan kelib chiqib aniqlanadi).
Hujjat Qonun hujjatlari maʼlumotlari milliy bazasida eʼlon qilingan va 2024-yil 20-maydan kuchga kirdi.
Mart boshlarida sholichilikda suv tejovchi texnologiya joriy qilish uchun subsidiya berish va klasterlarga sholi xaridi uchun imtiyozli kredit ajratish yo‘lga qo‘yilishi to‘g‘risida xabar berilgandi.
Izoh (0)