Toshkentda ikki advokat va yuristning noqonuniy qilmishlari fosh qilinishi, sobiq “zamministr”ning 6 yilga, qizining esa 5 yilga qamalishi, Toshkent viloyatidagi bo‘yoq sexida sodir bo‘lgan yong‘in — “Daryo” nashri bugun, 10-sentyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda uch farzandning onasi bo‘lgan ayol poyezd urib ketishi oqibatida vafot etdi
Voqea tungi soat 02:00 larda sodir bo‘lgan.
“Qizil chiroqda o‘tgan iflos haydovchini qarg‘anglar” — Andijonda qonunbuzar haydovchilarni jazolovchi yangi “tajriba” (video)
Ma’lum bo‘lishicha, Andijon shahridagi maktablar oldida qizil chiroqda o‘tgan va piyodalarga yo‘l bermagan haydovchilar o‘sha maktablarda o‘tkazilgan yig‘ilishlarda o‘quvchi va o‘qituvchilar oldida izza qilingan.
Saida Mirziyoyeva Qatarda ta’limni tajovuzlardan himoya qilish xalqaro kuni munosabati bilan uyushtirilgan davra suhbatida qatnashdi
“Xotin-qizlar uchun eng yaxshi himoya — ta’lim olish imkoniyatidan emin-erkin foydalanishdir”, deydi prezident yordamchisi.
Andijonda shifokorlar xatosi sabab homilador ayol vafot etgani haqida xabarlar tarqaldi
SSV holat yuzasidan ma’lumot berdi.
Toshkentda ikki advokat va yuristning noqonuniy qilmishlari fosh qilindi
Ular mahbusning jazosini yengilroq jazo turiga almashtirib berish evaziga 75 ming dollar so‘ragan.
Farg‘ona va Surxondaryoda gaz zapravkalarda turnaqator navbat. Mas’ullar holatga izoh berdi
Farg‘ona hamda Surxondaryo viloyatidagi ayrim metan zapravkalar umuman ishlamayotgani haqida xabarlar tarqalgan edi.
Sobiq “zamministr” 6 yilga, uning qizi 5 yilga qamaldi
Sud qishloq xo‘jaligi vazirining sobiq o‘rinbosari Alisher To‘rayevni qariyb 10 mlrd so‘mlik 1 mln dona uzum ko‘chatini yetkazib berish ishi bo‘yicha talon-toroj qilish va mansab soxtakorligida ayblagan.
Qimmatbaho soatni olib o‘tishga urinish, tarkibida kuchli ta’sir qiluvchi modda bo‘lgan “qahva”ni olib kirish fosh qilindi
Moskvadan Toshkentga uchib kelgan o‘zbekistonlikning qo‘l va yo‘l sumkalari belgilangan tartibda tekshiruvdan o‘tkazilganda taxminiy narxi 104 million 280 ming so‘m bo‘lgan qo‘l soati borligi aniqlandi.
Shavkat Mirziyoyev Rossiya hukumati raisi bilan muzokara o‘tkazdi
Uchrashuv davomida tomonlarni qiziqtirgan masalalar yuzasidan fikr almashildi.
Saida Mirziyoyeva Mixail Mishustin bilan hamkorlikning dolzarb masalalarini muhokama qildi
Yaqin muloqotni bundan buyon ham rivojlantirishga kelishib olindi.
O‘zbekistonda 7 oyda yuk mashinalari bilan bog‘liq qancha avariya sodir etilgani ochiqlandi
YTHlar oqibatida 108 nafar fuqaro halok bo‘lgan.
Jizzaxdagi shifoxonada erkak o‘zi bilan birga yashamaydigan turmush o‘rtog‘ini pichoqladi
Jabrlanuvchi Zarbdor tumanidagi tibbiyot birlashmasida hamshira bo‘lib ishlagan.
O‘zbekistonda 2023-yili korrupsiyada sudlangan 566 nafar davlat xizmatchisi qayta ishga kirib, yana shu jinoyatni sodir etdi
Antikorrupsiya agentligi rahbarining so‘zlariga ko‘ra, korrupsionerlar reyestrini yaratish ustida ish olib borilmoqda.
Prezident Yangi O‘zbekiston ko‘chasidagi qurilish va obodonlashtirish loyihalari bilan tanishdi
Ko‘chaning ikki tarafiga daraxt va butalar dekorativ shaklda ekiladi.
Toshkent viloyatidagi bo‘yoq sexida sodir bo‘lgan yong‘in o‘chirildi
Yong‘in natijasida tan jarohati olgan va vafot etgan fuqarolar to‘g‘risida xabar kelib tushmagan.
O‘zbekistonda olti turdagi muzqaymoqda ichak tayoqchasi guruhidagi bakteriyalar aniqlandi
Raqobatni rivojlantirish va isteʼmolchilar huquqlarini himoya qilish qo‘mitasi tomonidan fuqarolarning murojaatlari asosida nazorat xaridi tadbiri o‘tkazildi.
Prezident Olimpiya shaharchasi qurilishini borib ko‘rdi (foto)
Mutasaddilar ochilish marosimi va musobaqalar paytida bo‘lajak sharoitlar yuzasidan axborot berdi.
Izoh (0)