Ijtimoiy tarmoqlar orqali Guliston shahrida zo‘ravon erkak yosh bolaga kuchini ko‘rsatgani aytilmoqda, sarlavhasi ostida video tasvirlar tarqalib, muhokamalarga sabab bo‘lmoqda.
Viloyat IIBning xabar berishicha, mazkur holat yuzasidan Sirdaryo viloyati IIB mas’ullari tomonidan o‘rganildi. O‘rganishlar davomida video tasvirdagi holat ishtirokchilari shaxsiga aniqlik kiritilib, qonuniy tartibda hujjatlar rasmiylashtirilgani aniqlandi.
Hozirda holat yuzasidan Guliston shahar IIB tomonidan tergovga qadar tekshiruv harakatlari olib borilmoqda.
Bundan avval Surxondaryoda ayol 3 yoshli qizni sababsiz pichoqlab o‘ldirgani haqida xabar berilgandi. Shuningdek, Sirdaryoda 7-sinf o‘quvchisi tengdoshlari tomonidan muntazam kamsitib kelingani aniqlangandi.
Samarqandda bola maktabdoshi bo‘lgan qizdan tiz cho‘kib kechirim so‘ragani haqida xabar berilgandi. U Samarqand shahar hokimining 2021-yil 16-noyabrdagi tegishli qarori bilan hududdagi 1-sonli oilaviy bolalar uyiga berilgan bo‘lgan.
Izoh (0)