O‘zbekiston Superligasi 17-turidan o‘rin olgan “Mash’al” — “Dinamo” uchrashuvi yakunlandi. Qiziqarli va gollarga boy kechgan bahsda samarqandliklar safarda 4:2 hisobida g‘alaba qozondi.
Uchrashuvda tezkor gollar kiritildi. Dastlab, 2-daqiqada “Mash’al” futbolchisi Sherzod Fayziyev hisobni ochdi. Oradan uch daqiqa o‘tib, ya’ni 5-daqiqada Sardor Abdurayimov hisobni 2:0 ko‘rinishiga keltirdi.
25-daqiqada “Dinamo” hisobni qisqartirishga muvaffaq bo‘ldi — gol muallifi Ulug‘bek Hoshimov. Birinchi bo‘lim yakuni arafasida, aniqrog‘i 45+5-daqiqada Jahongir Abdusalomov hisobni tenglashtirdi.
Ikkinchi bo‘lim ham keskin va murosasiz kurashlarga boy bo‘ldi. Har ikki jamoa xavfli hujumlar uyushtirdi. O‘yin so‘nggi daqiqalarida “Dinamo” ikki bor raqib darvozasini ishg‘ol qildi va muhim g‘alabaga erishdi. Har ikki golga Behruzbek Oblaqulov mualliflik qildi.
Ushbu g‘alabadan so‘ng “Dinamo” turnir jadvalining 3-pog‘onasidan joy oldi. 15 ochkoga ega “Mash’al” esa 13-o‘rinda bormoqda.
O‘zbekiston Superligasi
17-tur
6-may, chorshanba
“Mash’al” — “Dinamo” 2:4
Gollar: 1:0 — Fayziyev (2), 2:0 — Abdurayimov, 2:1 — Hoshimov (25), 2:2 — Abdusalomov (45+5), 2:3 — Oblaqulov (89), 2:4 — Oblaqulov (90+2)
Izoh (0)