Ижтимоий тармоқлар орқали Гулистон шаҳрида зўравон эркак ёш болага кучини кўрсатгани айтилмоқда, сарлавҳаси остида видео тасвирлар тарқалиб, муҳокамаларга сабаб бўлмоқда.
Вилоят ИИБнинг хабар беришича, мазкур ҳолат юзасидан Сирдарё вилояти ИИБ масъуллари томонидан ўрганилди. Ўрганишлар давомида видео тасвирдаги ҳолат иштирокчилари шахсига аниқлик киритилиб, қонуний тартибда ҳужжатлар расмийлаштирилгани аниқланди.
Ҳозирда ҳолат юзасидан Гулистон шаҳар ИИБ томонидан терговга қадар текширув ҳаракатлари олиб борилмоқда.
Бундан аввал Сурхондарёда аёл 3 ёшли қизни сабабсиз пичоқлаб ўлдиргани ҳақида хабар берилганди. Шунингдек, Сирдарёда 7-синф ўқувчиси тенгдошлари томонидан мунтазам камситиб келингани аниқланганди.
Самарқандда бола мактабдоши бўлган қиздан тиз чўкиб кечирим сўрагани ҳақида хабар берилганди. У Самарқанд шаҳар ҳокимининг 2021 йил 16 ноябрдаги тегишли қарори билан ҳудуддаги 1-сонли оилавий болалар уйига берилган бўлган.
Изоҳ (0)