Janubiy Koreya allaqachon butun dunyo romantiklari qalbini zabt etgan. Buning sababi koreyaliklarning maxfiy va nozik quroli — “dorama” deb nomlanuvchi romantik seriallardir. Bu filmlar orasida tarixiy seriallar alohida o‘rin egallaydi.
“Qirolicha Ki”
Xitoy malikasiga aylangan koreys cho‘risi haqidagi serial. Unda tarixiy voqealarga asoslangan sevgi syujeti mohirona tasvirlangan.
Kore qiroli Van Yu to‘g‘riso‘z va samimiy, yosh Yuan imperatori oldida biroz soddaroq ko‘rinadi. U butun umrini vatani ozodligi yo‘lidagi kurashga bag‘ishlagan.
Imperator Togon ba’zan qo‘rqoq, ba’zan esa nozik va hissiyotli bo‘lib, har qanday yo‘l bilan uning qalbini zabt etishga intiladi. Malika Nyan esa chin ayol sifatida hayotini fojiasiz tasavvur qila olmaydi.
“Janob Quyosh nuri”
Bu hikoyaning syujeti unchalik qadimiy bo‘lmasa-da, ushbu romantik drama bizni Choson davlati tarixiga va uning yapon bosqinchiligidan ozod bo‘lish kurashiga olib boradi.
Filmda Koreyaning tarixiy liboslari hamda zamonaviyroq Yevropa uslubidagi ko‘ylaklar, tramvaylar va to‘pponchalar, taʼqiblar va mushtlashuvlar, hatto yovuz yaponlarni mardlarcha yengayotgan koreys partizanlari ham mavjud.
Amerikalik koreys Yujin, sobiq qul va zodagon Go Eshin o‘rtasidagi nozik va yorqin sevgi chizig‘i ham bor. Albatta, u yerda sevgi chiziqlari yanada ko‘proq, koreyslar yosh ayolning go‘zalligiga hurmat ko‘rsatmasa, koreys bo‘lmasdi. Ammo serial oxirida yaxshi ko‘rib qolgan qahramonlardan biri uchun ko‘z yoshi to‘kishingiz aniq.
“Olov ma’budasi Jong I”
Choson chinnisini yaratishning nozik san’atini o‘rganish uchun o‘zini yigit qiyofasiga solishga majbur bo‘lgan kulol qiz haqidagi hikoya. Qiz bolaning o‘zini yigit qilib ko‘rsatishi mavzusi tarixiy doramalarda juda ko‘p uchraydi.
“Shamol rassomi”
Yosh rassom va uning muhabbati haqidagi juda go‘zal va qayg‘uli dorama. Bu asarda ham qizning erkak kiyimida yurishi, chiroyli dekoratsiyalar va ko‘plab fitnalar mavjud.
Qiziq tomoni shundaki, bu hikoyaning haqiqiy prototiplari bor — 18-asrda Koreyada yashagan rassom Xe Von va uning shogirdi rassom Yun Bok (mish-mishlarga ko‘ra, aynan o‘sha ayol bo‘lgan).
Hattoki ularning Koreya milliy boyligiga aylangan haqiqiy asarlari ham ko‘rsatilgan.
“Oy og‘ushidagi Quyosh”
Shomon ayol va yosh shahzodaning fitna hamda qora sehrga to‘la muhabbat qissasi.
Bosh qahramon bolaligida shahzodaga unashtirilgan, keyinchalik ularni ajratishgan, so‘ngra u xotirasini yo‘qotgan. Buni tomosha qilish juda qiziqarli, ba’zi o‘rinlarda esa bosh qahramonlar uchun xavotirlanib, yuragingiz orqaga tortib ketadi. Biroq taqdirga bitilgan narsa albatta ro‘y beradi.
“Jumon”
Voqealar bizni Koreyaning qadimiy davlati Koguryoga olib boradi. Buyuk jangchi Jumon tarqoq qabilalarni ulug‘ bir saltanatga birlashtirish uchun tug‘ilgan. Bu birlashuv yo‘lida u do‘stlik va muhabbatdan voz kechib, katta to‘lov to‘lashiga to‘g‘ri keladi.
Bu yerda keng ko‘lamli janglar, chiroyli liboslar, sevgi, nafrat va do‘stlik — tarixiy filmlar muxlislariga yoqadigan barcha unsurlar mavjud.
“Tojli masxaraboz”
“Shahzoda va gado” syujetining koreyscha talqini juda yuqori sifatli tasvirga olingan va ajoyib dekoratsiyalarga ega.
Drama yangi va hali ham efirga uzatilayotgan bo‘lsa-da, u allaqachon tomoshabinlarning qalbidan joy oldi, hatto “Janob Sanshyan” serialida bizga tanish bo‘lgan Li Ben Xon ishtirok etgan mashhur koreys filmi “Maskarad”ni ham ortda qoldirdi.
Izoh (0)