Amerikalik mashhur aktyor Heyli Joel Osment Kaliforniya shtatidagi chang‘i kurortida spirtli ichimlik ta’sirida bo‘lish va nazorat ostidagi moddalarni saqlashda gumon qilinib, hibsga olindi. Bu haqda TMZ portali xabar bermoqda.
Huquq-tartibot organlari ma’lumotiga ko‘ra, Osment jamoat joyida mast holatda bo‘lganida politsiya tomonidan qo‘lga olingan. Tekshiruv davomida aktyordan noma’lum modda aniqlanib, musodara qilingan va hozirda laboratoriyada tahlildan o‘tkazilmoqda.
Ayni vaqtda aktyor ozodlikda. Mono okrugi prokurori esa unga nisbatan rasmiy jinoyat ishi qo‘zg‘atish masalasini ko‘rib chiqmoqda.
Bu Osmentning spirtli ichimliklar bilan bog‘liq birinchi huquqbuzarligi emas. Oldin ham aktyor shunga o‘xshash holatlar tufayli politsiya e’tiboriga tushgan.
Heyli Joel Osment jamoatchilikka “Oltinchi hissiyot” va “Sun’iy intellekt” filmlari orqali tanilgan. Uning bolalikdagi rollari katta muvaffaqiyat olib kelgan bo‘lsa-da, keyingi yillarda aktyorning shaxsiy hayoti ko‘plab munozaralarga sabab bo‘lmoqda.
Izoh (0)