Xitoyning Shenjen shahrida Mrs. Globe International-2025 xalqaro go‘zallik tanlovi o‘tkazildi. Tanlov 80 dan ortiq mamlakatdan kelgan ishtirokchilarni birlashtirdi.
Tanlovning asosiy toji Hindiston vakili — 15 yillik tajribaga ega moliyachi va ayollar huquqlarini kengaytirish tarafdori Anurada Gargga nasib etdi.
Jahon miqyosidagi g‘alaba uning g‘alaba yo‘lining mantiqiy davomi bo‘ldi: Anurada 2024-yilda Mrs. India Globe milliy tanlovida g‘olib chiqqan edi. Minnatdorchilik nutqida u, tanlovda qatnashish faqatgina unvonlar uchun kurash emas, balki ayollarning kuchini va qatʼiyatliligini jahon maydonida namoyish etish imkoniyati ekanligini taʼkidladi.
“Men uchun bu tojni vatanimga olib kelish sharaf. Bu yo‘lda men ayollarni o‘zlariga ishonishga ilhomlantirmoqchiman”, dedi Anurada.
Anura shu paytga qadar sohasi bo‘yicha yirik banklar va sug‘urta kompaniyalari bilan ishlagan. Ishdan tashqari, u yoga, meditatsiya, raqs va moda bilan shug‘ullanadi. Uning hayotdagi shiori: haqiqiy go‘zallik — bu ishonch, mehr-oqibat va samimiyatdadir.
Miss Globe 1996-yildan beri o‘tkazib kelinadi va hayotda o‘z o‘rnini topgan, ammo atrofdagilarni rivojlantirish va ilhomlantirishda davom etayotgan ayollarga yo‘naltirilgan. Ishtirokchilar hayot qadriyatlarini, liderlik fazilatlarini va ijtimoiy faolliklarini namoyish etadi.
Izoh (0)