Hozirda rekord darajadagi badavlat bo‘lgan yosh avlod, asosan, blogerlar va inflyuenserlardan iborat, degan qarash mavjud, ammo haqiqatda badavlat yoshlarning aksariyati ijtimoiy tarmoqlarni faol yuritmaydi va ularning suratini izlab topish qiyin.
Forbes 30 yoshgacha bo‘lgan eng badavlat tadbirkorlar ro‘yxatini tuzdi. Spoyler: 2025-yil holatiga ko‘ra eng boy yoshlarning aksariyati o‘z boyliklarini oilasidan meros qilib olishgan.
Iyogannes fon Baumbax
Faoliyati: farmatsevtika kompaniyasi Boehringer Ingelheim hammuassisi
Yoshi: 19
Mamlakat: Germaniya
Boyligi: 5,4 milliard dollar
Iyogannes fon Baumbax Boehringer Ingelheim farmatsevtika kompaniyasining boshqaruvchilaridan biri hisoblanadi. Kompaniya 1885-yildan buyon Baumbaxlar oilasi tomonidan yuritilmoqda va hozirda Germaniyada eng yirik dori-darmon ishlab chiqaruvchi tarmoq hisoblanadi. Firmaning yillik daromadi 27,7 milliard dollarni tashkil etadi. Yosh milliarder jamoatchilikdan uzoq, shuning uchun uning shaxsiy hayoti haqida ko‘p ma’lumotlar yo‘q.
Klemente del Vekkyo
Faoliyati: Ray-Ban va Oakley ko‘zoynaklarini ishlab chiqaruvchi kompaniyaning hammuassisi
Yoshi: 20
Mamlakat: Italiya
Boyligi: 6,6 milliard dollar
Klemente 2022-yilda otasining merosi orqali boylikka ega bo‘ldi. Uning otasi dunyodagi eng yirik ko‘zoynak va linzalar ishlab chiqaruvchi Luxottica kompaniyasiga asos solgan. Klemente hozirda Delfin holdingi ulushining 12,5 foiziga egalik qiladi. U Milan shahrida yashaydi va, ehtimol, eng yaxshi hayotini kechirmoqda.
Foto: The Girl
Sofi Luiz Filmann
Faoliyati: Fielmann Group ko‘zoynaklarini ishlab chiqaruvchi kompaniyaning hammuassisi
Yoshi: 30
Mamlakat: Germaniya
Boyligi: 2,8 milliard dollar
2024-yilda otasining vafotidan so‘ng, Sofi Fielmann Group kompaniyasining katta ulushiga ega bo‘ldi. U va akasi kompaniyaga boshchilik qilib, ilm-fan va san’at sohalarida tashabbuslarni qo‘llab-quvvatlovchi xayriya fondini tashkil etdi. Sofi kompaniyada ishlamasa ham, uning, taxminan, uchdan bir qismini boshqaradi.
Kevin Devid Lemann
Faoliyati: Drogerie Markt dorixonalar tarmog‘ining hammuassisi
Yoshi: 22
Mamlakat: Germaniya
Boyligi: 3,6 milliard dollar
Kevin — Germaniyaning kosmetika va sog‘liqni saqlash mahsulotlari tarmog‘i — dm (Drogerie Markt)ning merosxo‘ri. 2017-yilda otasidan kompaniyaning 50 foiz ulushini olgan Kevinning boyligi 2025-yilda 3,6 milliard dollarga yetdi. Kevin va uning otasi kompaniyaning boshqaruv jarayonlarida ishtirok etmasalar ham, ularning boyligi yildan yilga oshmoqda, chunki dm tarmog‘i butun Yevropa bo‘ylab minglab nuqtalarda mavjud.
Zahan Mistri
Faoliyati: Shapoorji Pallonji Group qurilish konglomeratining top menejeri
Yoshi: 23
Mamlakat: Hindiston
Boyligi: 4 milliard dollar
Zahan va uning akasi otalari Sayrus Mistri vafotidan so‘ng Shapoorji Pallonji Group (SP Group)ni qayta tashkil qilishga va qarzlarni yopishga majbur bo‘lgan. 2022-yilda aviatashuvda halok bo‘lgan otalarining o‘rnini bosgan Zahan Warwick universitetini tamomlab, SP Groupda 25 foiz ulushga ega bo‘ldi, Tata esa konglomeratning 4,6 foiz ulushini qo‘lga kiritdi.
Firoz Mistri
Faoliyati: Shapoorji Pallonji Group qurilish konglomeratining top menejeri
Yoshi: 28
Mamlakat: Hindiston
Boyligi: 4 milliard dollar
Zahan Misrining akasi Firoz ham SP Group’da ishlaydi. U va Zahan o‘zlarining 4,6 foiz ulushini Tata konglomeratidan meros qilib olishgan, ammo oilaviy ichki nizolar tufayli ular bu ulushlarni sotish yoki boshqarish huquqiga ega emas. 2024-yilda Mistri oilasining boyligi 41,4 milliard dollarga baholandi.
Foto: The Girl
Ed Kreyven
Faoliyati: Stake kriptokazinolarining hammuassisi
Yoshi: 29
Mamlakat: Avstraliya
Boyligi: 2,8 milliard dollar
Ed Kreyven boyligini oilaviy meros emas, balki o‘zining mehnati bilan topgan ro‘yxatimizdagi yagona tadbirkor. 2017-yilda o‘z hamkori bilan dunyodagi eng yirik kriptokazino Stake’ni yaratgan. 2024-yilda kompaniyaning daromadi 4,7 milliard dollarni tashkil etdi.
Maksimilian fon Baumbax
Faoliyati: Boehringer Ingelheim farmatsevtika kompaniyasining hammuassisi
Yoshi: 27
Mamlakat: Germaniya
Boyligi: 5,4 milliard dollar
Maksimilian fon Baumbax — Ioganness fon Baumbax kabi Boehringer Ingelheim farmatsevtika kompaniyasining hammuassisi. Kompaniyaning umumiy daromadi 2023-yilda 27,7 milliard dollarni tashkil etdi. Maksimilian boyligi 2025-yilda 5,4 milliard dollarga yetdi.
Remi Dassо
Faoliyati: Dassault Aviation aviatsiya kompaniyasining hammuassisi
Yoshi: 23
Mamlakat: Fransiya
Boyligi: 2,8 milliard dollar
Remi Dasso Dassault Aviation kompaniyasining 2,5 foiz aksiyalariga va Dassault Systèmes dasturiy ta’minoti kompaniyasining 4,1 foiz aksiyalariga ega. Uning kompaniyalar rivojiga qanday hissa qo‘shgani haqida aniq ma’lumotlar yo‘q, lekin otasining 2021-yildagi vafotidan keyin boylikni meros qilib olgan.
Izoh (0)