Xilma-xil va mazali taomlar tayyorlash va ularni did bilan dasturxonga tortish barchaning ham qo‘lidan kelavermaydi. Bugungi qahramonlar esa o‘zining murakkab va uzoq vaqtni oladigan karyerasiga qaramay, yaqinlarini xursand qilish uchun oshxonaga shoshiladi. Quyida pazandachilikda ham katta mahoratga ega hind kino yulduzlari haqida so‘zlashamiz.
Dipika Padukone
Dipika Padukone hind milliy taomlarini, ayniqsa dosa va boshqa Janubiy Hindiston delikateslarini tayyorlashni yaxshi ko‘radi. Koronavirus pandemiyasi paytida aktrisa muntazam oshpazlik tajribalari bilan Instagram’dagi muxlislari bilan o‘rtoqlashgan. 2020-yilda Padukone ko‘plab ajoyib taomlarni, jumladan, kunjut-sarimsoqli sous qo‘shilgan tailandcha salat, tom yam sho‘rvasi kabilarni mahorat bilan tayyorladi. Intervyularidan birida Dipika Janubiy Hindistonning idli va rasam kabi mazali taomlarini pishirishni yaxshi ko‘rishini aytgan. Shuningdek, u turmush o‘rtog‘i Ranvir Singh uchun xamirli yeguliklar tayyorlashni yoqtiradi.
Shilpa Shetti
Shilpa Shetti Kundra fitnes va pazandalik sohasiga qiziqishi bilan ham mashhur. U tez-tez o‘zining ovqat tayyorlash tajribalarini YouTube kanalida va Instagram sahifasida muxlislar bilan baham ko‘radi. Shetti yangi taomlarni avval foydalanmagan turli noyob mahsulotlardan tayyorlashni yoqtiradi. Ayniqsa, bolalar menyusi va gazaklar mavzusi aktrisa uchun eng qiziqarlidir.
Ayshvariya Ray Bachchan
Bollivud va Gollivudning eng mashhur aktrisalaridan biri va dunyo go‘zali Ayshvariya Ray turli shirinliklar va pishiriqlar tayyorlashni xush ko‘radi. Hindiston mahalliy gazetasiga bergan intervyularidan birida aktrisa barcha oila a’zolari uchun mangalor oshxonasiga xos taomlarni pishirishni aytib o‘tgan.
Karishma Kapur
90-yillarning mashhur hind aktrisalaridan biri Karishma Kapur nafaqat taniqli yulduz, balki uyda oila a’zolari uchun yangi taomlar tayyorlashni yaxshi ko‘radigan va sog‘lom ovqatlanish tarafdori bo‘lgan oshpazdir. U qizi uchun turli xamirli taomlar pishirishga doim vaqt topadi.
Malayka Arora
Bollivudning yana bir mashhur yulduzi Malayka Arora o‘g‘li tufayli pazandalik mahoratini o‘zlashtirgan. Intervyularidan birida uning o‘g‘li boshqa onalar singari Malayka ham uyda ovqat pishirishni so‘raganini aytgan. Shu voqeadan keyin aktrisa ko‘proq uyda ovqat qilishni boshlagan va o‘g‘lining istagini amalga oshirgan.
Kangana Ranaut
Hindi filmlari yulduzi Kangana taomlar tayyorlashga bolaligidan qiziqqan. Ma’lumotlarga ko‘ra, u Londonda mashhur “Qirolicha” filmining aktyorlari va jamoasi uchun tez-tez tushlik tayyorlagan. Bo‘sh vaqtida Kangana turli sabzavotlar, ko‘katlar va ziravorlardan pulao taomini pishirishni yaxshi ko‘radi.
Aliya Bhatt
Aliya Bhattning YouTube kanali mavjud, unda aktrisa turli retseptlar bilan muxlislarini xushnud etadi. Sog‘lom hayot tarziga faol amal qiluvchi yulduz umuman shakar iste’mol qilmaydi. U singlisi Shahin Bhatt bilan foydali va mazali shirinliklar tayyorlagan videolarini tarmoqqa joylaydi.
Izoh (0)