Хитойнинг Шенжен шаҳрида Мrs. Globe International-2025 халқаро гўзаллик танлови ўтказилди. Танлов 80 дан ортиқ мамлакатдан келган иштирокчиларни бирлаштирди.
Танловнинг асосий тожи Ҳиндистон вакили — 15 йиллик тажрибага эга молиячи ва аёллар ҳуқуқларини кенгайтириш тарафдори Анурада Гаргга насиб этди.
Жаҳон миқёсидаги ғалаба унинг ғалаба йўлининг мантиқий давоми бўлди: Анурада 2024 йилда Мrs. India Globe миллий танловида ғолиб чиққан эди. Миннатдорчилик нутқида у, танловда қатнашиш фақатгина унвонлар учун кураш эмас, балки аёлларнинг кучини ва қатъиятлилигини жаҳон майдонида намойиш этиш имконияти эканлигини таъкидлади.
“Мен учун бу тожни ватанимга олиб келиш шараф. Бу йўлда мен аёлларни ўзларига ишонишга илҳомлантирмоқчиман”, деди Анурада.
Анура шу пайтга қадар соҳаси бўйича йирик банклар ва суғурта компаниялари билан ишлаган. Ишдан ташқари, у ёга, медитация, рақс ва мода билан шуғулланади. Унинг ҳаётдаги шиори: ҳақиқий гўзаллик — бу ишонч, меҳр-оқибат ва самимиятдадир.
Мiss Globe 1996 йилдан бери ўтказиб келинади ва ҳаётда ўз ўрнини топган, аммо атрофдагиларни ривожлантириш ва илҳомлантиришда давом этаётган аёлларга йўналтирилган. Иштирокчилар ҳаёт қадриятларини, лидерлик фазилатларини ва ижтимоий фаолликларини намойиш этади.
Изоҳ (0)