Ko‘plab yulduzlar aktrisalik faoliyatiga qadam qo‘yishdan avval o‘zlarini modellik sohasida sinab ko‘rgan bo‘ladi. Ulardan ba’zilari go‘zallik tanlovlarida ishtirok etib, butun dunyoda mashhur bo‘lishga erishgan. Ba‘zilar esa bolaligida shunchalik oddiy o‘yin tariqasida go‘zallik tanlovlari ishtirokchisi bo‘lgan.
Selena Gomes
2015- yilda xonanda o‘zining bolalik xotiralari bilan baham ko‘rgan ajoyib post qoldirgan. Ijtimoiy tarmoqdagi suratda yosh Selena oppoq ko‘ylakda, qo‘lida g‘oliblik kubogi va guldasta bilan tasvirlangan. Aktrisaning so‘zlariga ko‘ra, maktabgacha yosh davrida Selena bir necha bor go‘zallik tanlovlarida ishtirok etgan va ularning birida g‘alaba qozongan.
https://x.com/selenagomez/status/568140277283741697
Metyu Makkonahi
Go‘zallik tanlovlarida nafaqat nozik jins vakillari, balki erkaklar ham ishtirok etishi mumkin. Aktyor Metyu Makkonahi ham yoshligida ana shunday tadbir ishtirokchisi bo‘lgan va faxrli ikkinchi o‘rinni egallagan. U Texasdagi eng xushbichim bola degan yozuvli suratini internetga joylagan.
Yeva Longoriya
Bejizga Yeva Longoriyani “Umidsiz uy bekalari” serialida aktrisa o‘zini ijro etgan, deb aytishmaydi. Aktrisa mashhurlikka ilk qadamni 1998-yilda Miss Corpus Christi go‘zallik tanlovida g‘oliblik bilan qo‘ygan. Konkurs aktrisaning tug‘ilgan joyi — Texasda bo‘lib o‘tgan va Yeva uchun kino sohasiga ko‘prik sifatida xizmat qilgan.
Priyanka Chopra
_updates-gC5W577R.webp)
2000-yilda Priyanka Chopra “Dunyo go‘zali” unvonini qo‘lga kiritdi. G‘alabasidan so‘ng hindistonlik model Bollivudda muvaffaqiyatli faoliyatini boshladi va Gollivudni ham zabt etdi. U ushbu darajadagi xalqaro e’tirofga erishgan ilk hind aktrisalaridan biri bo‘ldi.
Qiziqarli fakt: uning turmush o‘rtog‘i Nik Jonas Priyanka dunyo go‘zali bo‘lganida atigi 7 yoshda edi. U Chopraning g‘oliblik nashidasini surganini kuzatib boradi va yillar o‘tib bolalikdagi sevgisiga erishadi. Hozirda ular dunyodagi eng ko‘p muhokamalarga sabab bo‘lgan mashhur juftliklarda biridir.
Vanessa Uilyams
Vanessa Uilyams 1984-yilda Amerika go‘zali unvonini qo‘lga kiritgan birinchi qora tanli ayol bo‘lib tarixda o‘chmas iz qoldirdi. Ammo uning g‘alabasi turli nizo va janjallarga sabab bo‘ldi. Noma’lum shaxslar Uilyamsning shaxsiy fotosuratlarini tarqatib yuborgach, go‘zallik tojidan voz kechishga majbur bo‘ldi. Ammo mazkur suratlar tanlovdan ikki yil avval olingan edi va Pentxaus jurnali ularni fotografdan sotib olib, atayin chop etib yuborgan edi.
Izoh (0)