Sharq marvaridlari: Alsu, Ayshvariya va boshqa ekzotik go‘zallik egalari (foto)

Ko‘p yillar mobaynida mazkur yulduzlar go‘zallik ro‘yxatida birinchi o‘rinni egallab kelmoqda. Ularning jozibasi chindan ham boshqalarnikiga qaraganda ajralib turadi. Bunga sabab ulardagi sharqona istaradir.

Ravshana Kurkova

Tim qora ko‘zlar va betakror ko‘rinish egasi Ravshana Kurkova O‘zbekistonda tug‘ilgan. Aktyorlik mahoratining yetishmasligi Ravshanani zamonning eng ko‘p izlanadigan aktrisalaridan biriga aylanishiga to‘sqinlik qilmadi. Yulduzning iste’dodi bilan birga, yorqin qiyofa, tug‘ma xarizma va jozibasi ham unga qo‘shimcha chiroy bag‘ishlaydi.

Chjan Szii

2007-yilda xitoylik Chjan Szii “Dunyo go‘zali” unvoniga sazovor bo‘lgan va bu uning karyera qilishiga turtki bo‘ldi. U bir qancha yapon filmlarida rol ijro etgan xitoylik aktrisa bo‘lganligi uchun turli munosabatlar bildirilgan. Ammo uning qiyofasi ko‘proq yapon ayollariniki kabi nafis. Aktrisaning o‘zi bundan sira ham xafa emas. Chunki uni butun Gollivud yaxshi ko‘radi.

Bay Lin

Gollivudni zabt etgan yana bir xitoylik go‘zal. Bay Lin “Taksi” va “Adrenalin 2”dagi rollari tufayli mashhurlikka erishdi. Aktrisa 50 yoshdan o‘tgan bo‘lsa-da, u abadiy yoshlik sirini topganga o‘xshaydi.

Ayshvariya Ray

Aktrisa 1994-yilda “Dunyo go‘zali” unvonini qo‘lga kiritgan bo‘lsa-da, u hozirgacha Hindistonning Monika Belluchchisi hisoblanadi. Shuningdek, bir necha yil avval maftunkor ko‘zlar egasini Gollivud yulduzi Juliya Roberts dunyodagi eng go‘zal ayol deb atagan.

Priyanka Chopra

Filmdagi faoliyati go‘zallik tanlovida g‘olib chiqishi bilan boshlangan yana bir hind yulduzi. Aslida Priyanka dasturchi bo‘lishni istar edi, 2000-yilda “Dunyo go‘zali” tanlovida g‘oliblikni qo‘lga kiritgandan so‘ng rejissorlar tomonidan birin-ketin takliflar tushgan. Shundan so‘ng u bolalikdagi orzusidan kechib, kino olami tomon qadam tashlagan.

Lyaysan Utyashyeva

Boshqirdistonlik Lyaysan chinakamiga go‘zalligi bilan har qanday insonni sehrlab qo‘yadi. Badiiy gimnastika bo‘yicha karyerasini tugatganidan so‘ng  o‘zini televideniyeda sinab ko‘rishga qaror qilgan. Yorqin qiyofa va tabiiy go‘zallik o‘z natijasini berdi. Bugungi kunda Lyaysan nafaqat taniqli boshlovchi, balki shou-biznes olamida ham yulduz hisoblanadi.

Mehribon va Leyla Aliyevalar

Mehribon va Leyla ozarbayjonlik go‘zallardir. Respublika prezidentining rafiqasi hamda qizi jamoat ishlarida faol. Ular muntazam ravishda ijtimoiy tadbirlarda qatnashadi.

Frida Pinto

Hindistonlik aktrisa Frida Pinto “Xarobadan chiqqan millioner” filmidan so‘ng birdan mashhurlikka erishdi. Professional raqqosa va ingliz adabiyoti bo‘yicha bakalavr diplom egasi vatandoshi Ayshvariya Rayni ham ortda qoldirib, Janubiy Osiyoning eng go‘zal vakillari ro‘yxatidan joy oldi.

Alsu 

Yana bir sharqona go‘zallik 2000-yillarda barchaning sevimli xonandasi sanalgan Alsuda aks etgan. Qora soch va ko‘zlar egasi hozirda uch qizning onasi. Xonandaga ayollik va onalik latofati ham juda yarashgan.

Lyusi Lyu

Xitoylik muhojirlarning qizi Lyusi sharqona ko‘rinishga ega bo‘lgan eng talabgir va ko‘p gonorar oladigan Gollivudning aktrisasiga aylangan. Yaqinda Lyusi ham 50 yoshni qarshi oladi, ammo ekzotik go‘zallik egasi uchun o‘tayotgan vaqt hech narsani o‘zgartirmaydi.