УЕФА Чемпионлар Лигаси чорак финал доирасидаги биринчи баҳслар 8 апрель, сешанба куни ўтказилди. Унда Мадриднинг “Реал” жамоаси Лондонда “Арсенал”га қарши майдонга тушган бўлса, яна бир учрашув “Бавария” ва “Интер” ўртасида бўлиб ўтди.
Лондонда ўтган баҳсда майдон эгалари 3:0 ҳисобида ғалаба қозонди. Учрашувнинг илк бўлимида мухлислар голларга гувоҳ бўлишмади, аммо иккинчи таймнинг 58-дақиқасига келиб, Деклан Райс Куртуа дарвозасига гол уришни уддалади. 70-дақиқада Райс ўзининг дублини нишонлаган бўлса, орадан 5 дақиқа ўтиб, Микель Мерино “Арсенал”нинг 3-голини “Реал” дарвозасига жойлаб қўйди.
Учрашувнинг қолган дақиқалари ҳам қизғин курашларга бой ўтди. Аммо дарвозаларга бошқа гол киритилмади.
Куннинг 2-учрашуви Германиянинг Мюнхен шаҳрида бўлиб ўтди. Унда маҳаллий “Бавария” клуби Миланнинг “Интер” клубини қабул қилиб, 1:2 ҳисобида мағлуб бўлди. Ўйиндаги ҳисобни меҳмонлар очди. 38-дақиқада Лаутаро Мартинес немис клуби дарвозасини ишғол қилди. 85-дақиқда Томас Мюллер таблодаги натижани тенглаштирган эди, лекин орадан 4 дақиқа ўтиб, “Интер” ўйиндаги иккинчи голни киритиб, Германиядан ғалаба билан ортга қайтди.
ЕЧЛ
Чорак финал, дастлабки баҳслар
8 апрель, сешанба
“Арсенал” — “Реал” 3:0
Голлар: 1:0 — Райс (58), 2:0 — Райс (70), 3:0 — Мерино (75)
“Арсенал”: Рая – Льюис-Скелли, Кивор, Салиба, Тимбер (Уайт, 90+1), Эдегор, Парти, Райс (Тирни, 80), Сака (Троссар, 74), Мерино, Мартинелли.
“Реал”: Куртуа – Алаба (Ф. Гарсия, 79), Рюдигер, Асенсио, Вальверде, Камавинга, Модрич (Васкес, 71), Винисиус Жуниор, Беллингем, Родриго (Диас, 85), Мбаппе.
Четлатиш: Камавинга, 90+4 (“Реал”).
“Бавария” — “Интер” 1:2
Голлар: 0:1 — Мартинес (38), 1:1 — Мюллер (84), 1:2 — Фратеззи (88)
“Бавария”: Урбиг - Станишич, Дайер, Ким (Буй, 74) - Лаймер, Горетцка, Киммих, Геррейру (Гнабри, 74) - Олисе, Кейн, Сане (Мюллер, 74).
“Интер”: Зоммер - Бастони, Ачерби, Павар - Карлос, Мхитарян (Фратеззи, 74), Чалханоглу, Барелла, Дармиан (Биссек, 79) - Тюрам, Мартинес (Залевски, 89).
Изоҳ (0)