“Manchester Siti” yarim himoyachisi Niko O’Rayli klub bilan yangi uzoq muddatli shartnoma imzolashi mumkin. Bu haqda SunSport nashriga tayanib Euro-football xabar bermoqda.
20 yoshli futbolchi APLning so‘nggi ikki turida asosiy tarkibda maydonga tushdi, jumladan, 6-mart, yakshanba kungi “Manchester Yunayted”ga qarshi derbida ham (“0:0”) ilk daqiqalardan harakat qildi. Pep Gvardiola yosh iqtidorni chap qanot himoyasida sinab ko‘rmoqda. Shu bois “shaharliklar” rahbariyati futbolchini uzoqroq vaqt o‘z tarkibida saqlab qolmoqchi.
Manbaga ko‘ra, “Siti” O’Rayli bilan yangi 5 yillik shartnoma bo‘yicha muzokaralarni boshlab yuborgan. Agar kelishuv amalga oshsa, futbolchi bilan bitim imzolanadi.
Eslatib o‘tamiz, Niko O’Rayli “Manchester Siti” tarbiyalanuvchisi hisoblanadi. U joriy mavsum klub safida 12 ta o‘yinda maydonga tushib, o‘z hisobiga 3 ta gol va 2 ta golli uzatma yozdirib qo‘ygan.
Izoh (0)