“Manchester Siti” bosh murabbiyi Pep Gvardiola jamoaning “Tottenhem” ustidan qozonilgan 1:0 hisobidagi g‘alabasidan keyin o‘zbekistonlik futbolchi Abduqodir Husanovning o‘yiniga yuqori baho berdi.
Menga Husanovning jamoa ichida tezda hurmat qozongani yoqadi! U futboldan zavq olib o‘ynamoqda. Abduqodir bilan gaplashsangiz doimo tabassum bilan javob qaytaradi. Hozirgi paytda u tarkibdagi eng ishonchli futbolchilardan biri – juda tezkor va aniq uzatmalari ajoyib. Futbolda tezlik juda muhim, u esa eng tezkor futbolchilardan biri. U Londonga hech qanday sumka va shaxsiy buyumlarsiz, shunchaki futbol o‘ynash uchun keldi. Albatta, hali ko‘p narsa o‘rganishi kerak, sababi u atigi 20 yoshda. Jamoadoshlari uni juda yaxshi ko‘radi. Kamtarin, mehnatkash va hech narsadan shikoyat qilmaydi. Ishonamanki, muxlislarimiz ham uni tez orada yoqtirib qolishadi”, deya murabbiyning fikrlarini keltirdi insayder Fabritsio Romano.
Eslatib o‘tamiz, kecha Husanov “Tottenhem”ga qarshi bahsda 90 daqiqa harakat qildi. Sofascore nashri futbolchining harakatlarini 7 ball bilan baholadi va himoyachilar orasida eng yaxshilaridan biri bo‘ldi. “Manchester Siti” 27-turdan keyin 47 ochko to‘plagan holda APL turnir jadvalida 4-o‘rinni egallab turibdi.
20 yoshli Abduqodir Husanov yanvar oyida “Lans” klubidan “Manchester Siti”ga 40 million yevro evaziga transfer qilingan edi. U “shaharliklar” safida barcha musobaqalarda 6 ta o‘yinda maydonga tushib, 1 gol urishga muvaffaq bo‘ldi.
Izoh (0)