“Manchester Siti” afsonasi Serxio Aguero portugaliyalik hujumchi Krishtianu Ronalduni tarixdagi eng buyuk futbolchilardan biri sifatida tan olsa-da, undan ustunroq deb hisoblagan to‘rt nafar futbolchi nomini aytdi.

Aguero uchun dunyoning eng yaxshi futbolchisi – Lionel Messi. U Messi va Diego Maradonani taqqoslashdan qochib, ikkisini ham o‘z davrining eng yaxshisi deb hisoblash kerakligini ta’kidlagan.
Men hech qachon bunday taqqoslashlarni yoqtirmaganman. Biz, argentinaliklar, Diegoni ham, Leoni ham tarixdagi eng yaxshi futbolchilar sifatida tan olishimiz kerak, deydi Aguero.
Bundan tashqari, argentinalik sobiq hujumchi braziliyalik Ronaldo Nazarioni o‘zining karyerasiga katta ta’sir ko‘rsatgan futbolchi deb atagan:
Meni eng ko‘p ilhomlantirgan futbolchi – braziliyalik Ronaldo.
Aguero Ronaldinyoning “Joga Bonito” uslubini (ushbu uslub asosan texnik mahorat, kreativlik, dribbling va hujumkor o‘yinga asoslanadi) ham yuksak baholagan va uni eng iqtidorli futbolchilardan biri sifatida e’tirof etgan.
Shu tariqa, Aguero o‘zining kuchli to‘rtligiga Messi, Maradona, Ronaldo Nazario va Ronaldinyoni kiritgan. U Krishtianu Ronalduni bu ro‘yxatga qo‘shmagan.
Izoh (0)