“Manchester Siti” bosh murabbiyi Pep Gvaridola Angliya Kubogi 1/8 finali doirasida “Plimut”ga qarshi o‘yindan avval fikrlarini bildirdi.
Murabbiy bunday o‘yinlar xavfli bo‘lishini aytdi.
“Chempionshipda standart vaziyatlar – asosiy qurol. APL ham bu borada ulardan o‘rganishi mumkin. Ular oldinda juda agressiv tarzda himoyalanishadi. Chempionship, 1 va 2-ligalarda standart vaziyatlar asosiy kuch sanaladi. “Plimut” yangi murabbiy qo‘l ostida ancha yaxshi natijalar ko‘rsatmoqda. Oxirgi 10-11 o‘yinda ular faqat uch marta mag‘lub bo‘ldi”, – deydi Gvardiola.
“Man Siti” ustozi raqib jamoa aynan ushbu turnirda “Liverpul”ni chiqarib yuborganini eslab o‘tdi.
“Shuning uchun juda og‘ir bahs kutyapman. O‘z maydonimizda o‘ynashimiz – kichik bir ustunlik, ammo biz bunday o‘yinlar xavfli bo‘lishini bilamiz. Bu jamoalar o‘z uslubida juda kuchli. Agar ular o‘z kuchli jihatlarini ko‘rsata olib, bizni bu borada ortda qoldirishsa, qiyinchiliklar bo‘lishi turgan gap”, – dedi ispaniyaliu mutaxassis.
Uchrashuv bugun, 1-mart kuni soat 22:45 da boshlanadi.
Izoh (0)