“Манчестер Сити” ярим ҳимоячиси Нико O’Райли клуб билан янги узоқ муддатли шартнома имзолаши мумкин. Бу ҳақда SunSport нашрига таяниб Euro-Football хабар бермоқда.
20 ёшли футболчи АПЛнинг сўнгги икки турида асосий таркибда майдонга тушди, жумладан, 6 март, якшанба кунги “Манчестер Юнайтед”га қарши дербида ҳам (“0:0”) илк дақиқалардан ҳаракат қилди. Пеп Гвардиола ёш иқтидорни чап қанот ҳимоясида синаб кўрмоқда. Шу боис “шаҳарликлар” раҳбарияти футболчини узоқроқ вақт ўз таркибида сақлаб қолмоқчи.
Манбага кўра, “Сити” O’Райли билан янги 5 йиллик шартнома бўйича музокараларни бошлаб юборган. Агар келишув амалга ошса, футболчи билан битим имзоланади.
Эслатиб ўтамиз, Нико O’Райли “Манчестер Сити” тарбияланувчиси ҳисобланади. У жорий мавсум клуб сафида 12 та ўйинда майдонга тушиб, ўз ҳисобига 3 та гол ва 2 та голли узатма ёздириб қўйган.
Изоҳ (0)