“Manchester Siti” bosh murabbiyi Pep Gvardiola jamoa himoyachisi Natan Ake jarohat olganini ma’lum qildi.
Niderlandiya terma jamoasi a’zosi Angliya Kubogi doirasidagi “Plimut”ga qarshi o‘yinida (3:1) maydonni erta tark etishga majbur bo‘ldi.
Yana bir himoyachidan ayrildik. Ake jamoa uchun muhim futbolchi edi va uning yo‘qligi seziladi. Klub rahbariyatiga Reys va Husanovni tarkibga qo‘shgani uchun minnatdorchilik bildiraman. Agar bu transferlar amalga oshmaganida, Kubok va Chempionlar ligasi yo‘llanmasi uchun kurashish imkonsiz bo‘lardi. Faqat Dias bilan bunga erishish juda mushkul, – deya Gvardiolaning so‘zlarini keltiradi Plzsoccer.com.
30 yoshli Ake joriy mavsum APL doirasida 10 ta o‘yinda maydonga tushgan. U “Plimut”ga qarshi bahsning ikkinchi bo‘limi boshida jarohat sabab almashtirildi.
Izoh (0)