Futbol bo‘yicha Angliya chempionati 29-turidan o‘rin olgan uchrashuvlar doirasidagi “Manchester Siti” – “Brayton” bahsi 15-mart, shanba kuni bo‘lib o‘tdi.
Uchrashuv maydon egalari faolligi bilan boshlandi. 11-daqiqada Erling Holand hisobni penaltidan ochdi. Shundan so‘ng mehmonlar ham qator vaziyatlar yaratishga intildi. Bu 21-daqiqaga kelib samara berdi.
Estupinanning jarima zarbasidan yo‘llagan aniq zarbasi muvozanatni tikladi. Oradan 18 daqiqa o‘tib – 39-daqiqada Marmush uzoq masofadan zarba berib, gol urdi.
Ikkinchi bo‘lim avvalida esa o‘zbek futbol muxlislari uchun manzur kelmagan holat yuz berdi. Abduqodir Husanov jamoasi darvozasiga ketayotgan to‘pga teginib ketdi va to‘p darvoza to‘ridan joy oldi. O‘zbekistonlik himoyachiga avtogol yozildi.
O‘yin yakuniga qadar hisob o‘zgarmay qoldi. Shunday qilib, Gvardiola shogirdlari 48 ochko bilan 5-o‘rinni egallab turibdi.
APL
29-tur bahsi
15-mart, shanba
“Manchester Siti” — “Brayton” 2:2
Gollar: 1:0 — Erling Holand (11), 1:1 — Estupinan (21), 2:1 – Marmush (39), 2:2 – Abduqodir Husanov (avtogol, 48).
“Manchester Siti”: 18.Shtefan Ortega, 3.Ruben Diash, 24.Yoshko Gvardiol, 45.Abduqodir Husanov, 82.Riko Lyuis, 14.Niko Gonsales, 19.Ilkay Gyundogan, 26.Savinyo (20.Bernardu Silva, 58) (47.Fil Foden, 76), 7.Omar Marmush (17.Kevin De Bryuyne, 86), 11.Jeremi Doku, 9.Erling Xoland.
Zaxira: 33.Skott Karson, 8.Mateo Kovachich, 10.Jek Grilish, 22.Vitor Reys, 27.Mateus Nunyes, 87.Jeyms Makati.
“Brayton”: 1.Bart Verbryuggen, 4.Adam Uebster, 29.Jan Pol van Xekke, 30.Pervis Estupinyan, 14.Jorjinio Rutter (18.Denni Uelbek, 75), 20.Karlos Baleba (27.Mats Viffer, 87), 25.Diyego Gomez (26.Yasin Ayari, 75), 41.Jek Xinshelvud, 17.Yankuba Minte (11.Simon Adingra, 83), 22.Kaoru Mitoma (8.Brayan Gruda, 83), 9.Joao Pedro.
Zaxira: 39.Karl Rushvort, 16.Eyran Kashin, 53.Jeykob Slater, 57.Jo Nayt.
Ogohlantirishlar: Savinyo 15, Doku 62 - J.Pedro 10, K.Mitoma 19, K.Baleba 26, M.Viffer 89
Izoh (0)