“Manchester Siti” bosh murabbiyi Pep Gvardiola “Tottenhem”ga qarshi bahs oldidan o‘tkazilgan matbuot anjumanida qishki transfer oynasi payti jamoaga qo‘shilgan futbolchilarning o‘yiniga baho berdi.
“Ular mashg‘ulotlarda juda yaxshi harakat qilmoqda. Husanov “Chelsi”, “Leyton Orient”, “Nyukasl”, “Real” va “Liverpul”ga qarshi o‘yinlarda maydonga tushdi. U jamoaga qiyin paytda kelib qo‘shildi. Abduqodirni Fransiyaning o‘rtamiyona klubidan kelganini hisobga olsak, o‘yinlar jadvali tig‘iz ekani unga qiyinchilik tug‘dirgan bo‘lishi mumkin.
Husanov hali ingliz tilida erkin gaplasha olmagani sababli ba’zi muammolarga duch keldi. Biz unga ingliz tilini tezroq o‘rganishga undayapmiz, sababi muloqot juda muhim. Uning og‘ir-bosiqligidan kelib chiqsak, ingliz tilini yaxshi bilganda ham Husanov bilan ko‘p gaplashamiz deb o‘ylamayman. Biroq shuni ta’kidlash kerakki, uning jamoaga qo‘shgan hissasi katta bo‘ldi.
Omar Marmush va Niko Gonsales esa kamroq o‘yin amaliyotiga ega bo‘lishmoqda, ammo ular ham o‘zlarini yaxshi ko‘rsatishdi. Biz ular o‘tkazayotgan o‘yinlaridan mamnunmiz. Vitor Reys esa o‘yin amaliyotiga ega bo‘lgach, oldingidanda yuqori saviyada o‘ynashiga ishonamiz”, deya Gvardiolaning so‘zlarini keltiradi City Xtra nashri.
Eslatib o‘tamiz, bugun, 26-fevraldan 27-fevralga o‘tar kechasi “Manchester Siti” — “Tottenhem” uchrashuvi bo‘lib o‘tadi. Uchrashuv Toshkent vaqti bilan 00:30 da boshlanadi. Hozirda “shaharliklar” APL turnir jadvalida 26 turdan keyin 44 ochko to‘plab 5-o‘rinda bormoqda. London klubi 33 ochko bilan 13-o‘rinni band etgan.
Izoh (0)