Qirg‘izistonda prezident korteji ishtirokida o‘limga sabab bo‘lgan yo‘l transport hodisasida ayblangan Ichki ishlar vazirligi nafaqaxo‘ri sudlandi. Bu haqda vazirlik matbuot xizmatiga tayanib, 24.kg xabar berdi.
Bishkekning Pervomayskiy tuman sudi erkakka nisbatan umumiy rejimdagi axloq tuzatish koloniyasida 3 yil muddatga ozodlikdan mahrum qilish bo‘yicha hukm chiqardi. Shu bilan birga, sud hukm qonuniy kuchga kirganidan keyin Qo‘noqbay Chinjirboyevga nisbatan ehtiyot chorasi o‘zgartirilishi haqida qaror qabul qildi.
Sadir Japarov korteji ishtirokidagi YTH
2021-yilning 3-iyun kuni Sadir Japarov Issiqko‘l viloyatida bo‘lganida prezident kortejidagi mashina ishtirokida YTH sodir bo‘lgan edi. Besh kishi jarohatlangan, bir kishi halok bo‘lgan. Marhum Qirg‘iziston prezidentining shaxsiy shifokori bo‘lgan.
Gumonlanuvchi Qo‘noqbay Chinjirboyev o‘g‘lining aytishicha, voqea sodir bo‘lgan paytda otasi hushyor bo‘lgan.
Izoh (0)