Namangan shahrida 9-sinf o‘quvchisi boshqargan Gentra avtomobili ishtirokida avtohalokat sodir bo‘ldi. Bu haqda “Daryo” muxbiri Azizbek Abduvaliyev xabar bermoqda.
Voqea joriy yil 2-noyabr kuni shahar markazidagi Amir Temur ko‘chasida ro‘y bergan. Gentra avtomobili boshqaruvni yo‘qotib, xavfli vaziyatni yuzaga keltirib, tezlikni cheklash belgisiga borib urilgan.
Bu payt mashina salonida o‘quvchi va uning o‘rtog‘i bo‘lgan. Bolalarga jabr yetmagan, avtomobil esa jiddiy shikastlangan.
Viloyat IIB YHXB axborot xizmati rahbari Botir Boymirzayevning bildirishicha, o‘quvchi ushbu avtomobilni ikki soat uchun 150 ming so‘m to‘lab, ijaraga olib boshqargan.
Hozirda mazkur holat yuzasidan surishtiruv ishlari olib borilmoqda.
Izoh (0)