Наманган вилоятининг Давлатобод тумани, “Порлоқ” маҳалласи, Ислом Каримов кўчасида 2 апрель куни ЙТҲ содир бўлди. Бу ҳақда вилоят ИИБ ЙҲХБ ахборот хизмати хабар берди.
Маълум қилинишича, ҳайдовчилик гувоҳномасига эга бўлмаган мактаб ўқувчиси Nexia-3 машинасини бошқариб бориб, йўлнинг қарама-қарши томонига чиқиб кетган ва юк автомашинаси билан тўқнашган.
Ҳодиса оқибатида енгил машина ҳайдовчиси ва олд ўриндиғидаги йўловчи — ҳайдовчининг синфдоши бўлган бола оғир тан жароҳати олиб, шифохонага ётқизилган.
Суриштирувларда маълум бўлишича, Nexia-3 ҳайдовчиси ўзига аввалдан таниш бўлган 11-синф ўқувчисидан 2 соатга ижара эвазига машина ҳайдовчи йигитларни сўрайди. У эса 9-синф ўқувчиларига бу таклифни беради ва улардан жами 220 минг сўм пул олади. Пуллардан 70 минг сўмини ўртачи бола, 150 минг сўмини автомашина эгаси олади.
Кейинчалик машинани ижарага берган шахснинг ўзи ҳам автомобилни ижарага ҳайдаши маълум бўлди.
2024 йилнинг апрель ойида Наманганда 11-синф ўқувчиси Lacetti’да икки талабани уриб юборганди.
2024 йилнинг ноябрида эса Наманган шаҳрида 9-синф ўқувчиси бошқарган Gentra автомобили иштирокида автоҳалокат содир бўлганди.
Изоҳ (0)