Qozog‘iston terma jamoasi bosh murabbiyi vazifasini bajaruvchi Ali Aliyev O‘zbekiston terma jamoasining jahon chempionati yo‘llanmasini deyarli qo‘lga kiritgani haqida o‘z fikrlarini bildirdi. Bu haqda “Sportnews.kz” nashri xabar bermoqda.
Murabbiy Lixtenshteyn ustidan (2:0) qozonilgan g‘alabadan keyin matbuot anjumanida qatnashib, unda Markaziy Osiyo terma jamoalarining saralashdagi o‘yinlariga to‘xtaldi:
Ha, biz o‘zimizni qo‘shnilar bilan solishtirishni yaxshi ko‘ramiz: Qirg‘iziston Qatarni mag‘lub etdi, O‘zbekiston esa deyarli Jahon chempionatining final bosqichiga yo‘llanma oldi. Qirg‘iziston ham, O‘zbekiston ham uch markaziy himoyachi bilan o‘ynab, kerakli natijaga erishib kelmoqda. Agar biz ham Osiyo qit’asi saralash bosqichida qatnashsak, shubhasiz, mundialga chiqamiz. Lekin Osiyo futboli darajasini ortiqcha baholamaslik kerak, dedi mutaxassis.
Ma’lumot uchun, Qozog‘iston Yevropa qit’asi saralash bosqichida ishtirok etadi. Ular Belgiya, Uels, Shimoliy Makedoniya va Lixtenshteyn kabi jamoalar bilan bir guruhdan joy olgan. Jamoa 2 turdan keyin 3 ochko to‘plab, 3-o‘rinni egallab turibdi.
Izoh (0)