Qozog‘istonning Jambil viloyatida Navro‘z bayrami nishonlanayotganda ot hurkib, tomoshabinlarga tashlandi. Bu haqda Nur.kz xabar berdi.
Hodisa 22-mart kuni Qizilsharua qishlog‘ida yuz bergan. Teatrlashtirilgan tomosha paytida otlardan biri to‘satdan hurkib, sahna yonidagi odamlar ustiga tashlangan. Videodagi hodisa dastlab Mang‘istovda yuz bergani xabar qilingan. Rasmiy manbalar voqea Jambil viloyatida kuzatilganini ta’kidlagan.
Xayriyatki, hech kim jabrlanmadi va tadbir odatdagidek davom etdi, deya aniqlik kiritdi Risqulov tumani hokimligi.
Rasmiylar vaziyat tezda nazoratga olinganini qayd etgan.
22-mart kuni Qozog‘istonning Pavlodar viloyatida milliy o‘yinda ishtirok etayotgan 16 yoshli chavandoz boshidan og‘ir jarohat olgan edi. O‘smir zudlik bilan operatsiya qilingan va shifokorlar uning ahvolini barqarorlashtirishga muvaffaq bo‘lgan. Hozirda u intensiv terapiya bo‘limida davolanmoqda.
Izoh (0)