IBA boks bo‘yicha 2025-yilgi jahon chempionati mezbonlarini e’lon qildi

Xalqaro boks assotsiatsiyasi (IBA) 2025-yilgi jahon chempionatiga mezbon davlatlarni e’lon qildi.

Serbiyaning Belgrad shahrida 2025-yil mart oyida ayollar o‘rtasidagi jahon chempionati, Qozog‘istonning Ostona shahrida esa 2025-yilning may oyida erkaklar o‘rtasidagi jahon chempionati bo‘lib o‘tadi.

Dastlab Qozog‘iston ayollar o‘rtasidagi jahon chempionatini qabul qilish uchun ariza bergandi. Biroq, keyinchalik erkaklar o‘rtasidagi chempionat mezbonligi bo‘yicha taklif yuborgan. IBA bosh ofisi esa bu qarorni qabul qilgan. 

Belgrad bundan avval 1978 va 2021-yillarda erkaklar o‘rtasidagi jahon chempionatlariga mezbonlik qilgan. Ostona esa 2016-yilgi ayollar o‘rtasidagi jahon chempionatini o‘zida qabul qilgan. 

Eslatib o‘tamiz, boks bo‘yicha 2023-yilgi jahon chempionati O‘zbekistonning Toshkent shahrida bo‘lib o‘tgan edi.