Futzal bo‘yicha Jahon chempionati. Qozog‘iston Portugaliyani mag‘lub etdi, Eron esa Marokashga imkoniyatni boy berdi

Futzal bo‘yicha Jahon chempionatining nimchorak finalidan o‘rin olgan o‘yinlar 26-sentyabr, payshanba kuni bo‘lib o‘tdi.

Eron nimchorak finalda Marokashga qarshi bahs olib bordi va 3:4 hisobida imkoniyatni boy berdi. Marokash chorak finalda Braziliyaga qarshi o‘ynaydi.

Nimchorak finalning ikkinchi o‘yinida Qozog‘iston terma jamoasi Portugaliyani 2:1 hisobida mag‘lub etdi. Qozog‘istonliklar tarkibida Chingiz Essenamanov va Dauren Tursagulov gol urgan bo‘lsa, Portugaliya tarkibida Ziki o‘z nomini tabloga yozdirib qo‘ydi.

Qozog‘iston keyingi bosqichda Argentina — Xorvatiya juftligi g‘olibi bilan bahs olib boradi.

Jahon Chempionati

Nimchorak final

26-sentyabr, payshanba

Eron — Marokash 3:4

Gollar: Muhammadhusayn Derohshoni 4, Xolid Bouzid 7, Sofyan El Mesrar 14, Sofyan El Mesrar 17, Idris Raiss El Fenni 19, Hossein Taebi 20, Muslim Oladgobad 22.

Portugaliya — Qozog‘iston 1:2

Gollar: Ziki 21 – Chingiz Essenamanov 11, Dauren Tursagulov 40.