Futbol bo‘yicha 2026-yilgi Jahon chempionati Yevropa saralash bosqichiga qurʼa tashlash marosimi 13-dekabr kuni bo‘lib o‘tdi.
Qurʼadan avval terma jamoalar 5 ta savatga ajratildi. Saralashda ishtirok etuvchi jamoalar 12 ta guruhga taqsimlandi va har bir guruhda 4-5 ta jamoa o‘ynaydi.
JCH-2026ga guruh g‘olibi bo‘lgan 12 milliy jamoa to‘g‘ridan-to‘g‘ri yo‘l oladi. Qolgan 4 ta yo‘llanma egasi 2026-yil mart oyida o‘tadigan pley-off o‘yinlari orqali aniqlanadi.
Unda guruh bosqichida ikkinchi o‘rinni olgan 12 jamoa va Millatlar ligasida guruh g‘olibi bo‘lib, chempionatga to‘g‘ridan-to‘g‘ri yo‘l ololmagan yoki pley-offga chiqmagan 4 ta eng yaxshi jamoa ishtirok etadi.
Qurʼa yakunlariga ko‘ra, guruhlar quyidagi jamoalardan tashkil topdi:
- A guruhi: Germaniya – Italiya o‘yini juftligi g‘olibi, Slovakiya, Shimoliy Irlandiya, Lyuksemburg.
- B guruhi: Shveysariya, Shvetsiya, Sloveniya, Kosovo.
- C guruhi: Portugaliya – Daniya juftligi mag‘lubi, Gretsiya, Shotlandiya, Belarus.
- D guruhi: Fransiya – Xorvatiya juftligi g‘olibi, Ukraina, Islandiya, Ozarbayjon.
- E guruhi: Ispaniya – Niderlandiya juftligi g‘olibi, Turkiya, Gruziya, Bolgariya.
- F guruhi: Portugaliya – Daniya juftligi g‘olibi, Vengriya, Irlandiya, Armaniston.
- G guruhi: Ispaniya – Niderlandiya juftligi mag‘lubi, Polsha, Finlyandiya, Litva, Malta.
- H guruhi: Avstriya, Ruminiya, Bosniya va Gersegovina, Kipr, San-Marino.
- I guruhi: Germaniya – Italiya juftligi mag‘lubi, Norvegiya, Isroil, Estoniya, Moldova.
- J guruhi: Belgiya, Uels, Shimoliy Makedoniya, Qozog‘iston, Lixtenshteyn.
- K guruhi: Angliya, Serbiya, Albaniya, Latviya, Andorra.
- L guruhi: Fransiya – Xorvatiya juftligi mag‘lubi, Chexiya, Chernogoriya, Farer orollari, Gibraltar.
JCH-2026 saralash bosqichi 2025-yil mart oyidan noyabr oyigacha bo‘lib o‘tadi.
Izoh (0)