Yevropaning bir qator top klublari “Manchester Yunayted”ning 27 yoshli hujumchisi Markus Reshfordning transferiga qiziqish bildirmoqda, deb xabar beradi Caught Offside.
Manbaga ko‘ra, “Barselona”, “PSJ” va “Bavariya” "Manchester Yunayted" forvardini qo‘lga kiritish imkoniyatlarini o‘rganmoqda, kataloniyaliklar futbolchi uchun asosiy da’vogarlar bo‘lib turibdi. Qayd etilishicha, “blaugrana” 2025 yilning yozida Reshfordni sotib olmoqchi va bu vaqtga kelib futbolchining narxi 40 million yevrodan ham kamayishi kutilmoqda.
Oldinroq mankunianliklar Reshford bo‘yicha 40 million funt sterling (48,5 million yevro) miqdoridagi transfer takliflarini ko‘rib chiqishga tayyor ekani haqida ma’lumotlar paydo bo‘lgandi. Joriy mavsumda hujumchi “Manchester Yunayted” safida barcha turnirlar doirasida 24 ta o‘yinda maydonga tushib, 7 ta gol urdi va 3 ta golli uzatmani amalga oshirdi.
Izoh (0)