“Barselona” vingeri Lamin Yamalning agenti Xorxe Mendesh futbolchining kelajagi borasida fikr bildirdi. Bu haqida jurnalist Viktor Navarroning ijtimoiy tarmoqlaridagi xabariga tayanib, Championat.com nashri ma’lum qildi.
Yamal “Barselona” bilan shartnomasini uzaytiradi. Lamin Kataloniyada baxtli va jamoa bilan uzoq muddat qolishni istaydi, — deya Mendeshning so‘zlarini keltirdi Championat.com nashri.
Yamal 17 yoshda ekani sababli “Barselona” bilan uzoq muddatli shartnoma imzolay olmaydi. U shu yilning 13-iyul kuni 18 yoshga to‘ladi va katta ehtimol bilan kataloniyaliklar bilan 2030-yilga qadar amal qiladigan bitim imzolaydi. Uning oldingi shartnomasidagi tovon puli 1 milliard yevro etib ko‘rsatilgan. Oldinroq OAV orqali “PSJ” Lamin uchun 250 million yevro to‘lashga tayyor ekanligi haqida mish-mishlar tarqalgan edi. Biroq ispan klubi bu taklifga rad javobini bergan.
Joriy mavsumda 17 yoshli futbolchi “Barselona” safida barcha turnirlar doirasidagi 35 ta o‘yinda maydonga tushib, 11 gol va 15 ta golli uzatmaga mualliflik qildi. Yamal “Barselona” klubi asosiy tarkibida 2023-yildan beri o‘ynamoqda. Uning kataloniyaliklar bilan amaldagi shartnomasi 2026-yilning yoziga qadar mo‘ljallangan. Transfermarkt portali futbolchining narxini 180 million yevroga baholamoqda.
Izoh (0)