Braziliyalik hujumchi Neymar “Santos”ga qaytganidan so‘ng ilk golini urdi.
Futbolchi “Santos” va “Agua Santa” o‘rtasidagi uchrashuvning 14-daqiqasida penaltidan hisobni ochdi. Uchrashuv mezbonlarning 3:1 hisobidagi g‘alabasi bilan yakunlandi. Ushbu g‘alabadan so‘ng “Santos” klubining ochkolari soni 12 taga yetdi va jamoa 7-o‘rinni egallab turibdi.
Neymar va uning jamoasi keyingi uchrashuvni 20-fevral kuni o‘tkazadi. Jamoaga “Noroeste” klubi raqiblik qiladi.
Neymar professional futbolchilik faoliyati davomida “Santos”, “Barselona”, “PSJ” va “Al-Hilol” klublarida o‘ynagan. Braziliya terma jamoasi safida 33 yoshli vinger 128 ta o‘yinda maydonga tushib, 79 ta gol urgan. Transfermarkt internet portalidagi ma’lumotlarga ko‘ra, futbolchining bozor qiymati 15 million yevroni tashkil etadi.
Izoh (0)