“Santos” hujumchisi Neymar yozda “Barselona”ga qaytishi mumkin. Bu haqida The Athletic nashri xabariga bermoqda.
Manbaga ko‘ra, 33 yoshli braziliyalik futbolchi va “Barselona” rahbariyati transfer masalasini muhokama qilmoqda. Yakuniy qaror qabul qilinmagan, ammo bu transfer katta ehtimol bilan amalga oshishi mumkin.
Neymarning “Santos” bilan shartnomasi 2025-yil iyun oyida yakuniga yetadi. Ispan klubi esa uni erkin agent sifatida qo‘lga kiritishni istamoqda. Neymarning o‘zi ham 2026-yilgi Jahon Chempionati oldidan kuchliroq chempionatga o‘tib, mundialga tayyorgarlik ko‘rish va yangilangan “Kamp Nou”da o‘ynashni istayotgani aytilmoqda.
Eslatib o‘tamiz, Neymar “Santos”ga qaytganidan so‘ng, 6 ta o‘yinda 2 ta gol urib, 3 ta golli uzatma amalga oshirdi. U 2017-yilda 222 million yevro “Barselona”dan “PSJ”ga transfer qilingan edi.
Izoh (0)