Amerikaning Pensilvaniya shtatida noma’lum shaxslar Pete & Gerry's Organics zavodi oldida qoldirilgan oziq-ovqat tashuvchi treylerdan 100 ming dona tovuq tuxumini o‘g‘irlab ketishdi. Yetkazilgan zarar 40 ming dollarga baholanmoqda, deya xabar berdi “Pravila jizni”.
Voqea o‘tgan shanba, 1-fevral kuni sodir bo‘lgan, jinoyatchilar esa haligacha topilmagan. Politsiya xodimlari so‘zlariga ko‘ra, bunday o‘g‘rilik mamlakatda yetishtiriladigan tuxumlar sonining keskin kamaygani va narxlarning ko‘tarilgani sabab bo‘lishi mumkin.
“10 yillik faoliyatim davomida men hech qachon bunday turdagi bezorilikka duch kelmaganman. Bu kamdam-kam uchraydigan o‘g‘rilik turi”, deya qayd etdi politsiya xosimi Megan Freyzer.
Yanvar oyida AQShda o‘n dona tuxumning narxi 5,29 dollarni tashkil etdi, bir yil avval uning narxi 3,50 dollar atrofida edi. 2024-yilning noyabr-dekabr oylarida 17 million tovuqlarning parranda grippidan nobud bo‘lgani hamda narxlarning 50 foizga oshgani jinoyatchilarni shunday o‘g‘rilik qilishga majbur qilgan.
Kuz faslida tarqalgan parranda grippi AQSHdagi tuxum yetishtirish sanoatiga katta zarba berdi. Mutaxassislar fikricha, tovuqlar populyatsiyasining tiklanishi uchun bir necha oy kerak bo‘ladi.
Izoh (0)