Американинг Пенсилвания штатида номаълум шахслар Petе & Gerry's Organics заводи олдида қолдирилган озиқ-овқат ташувчи трейлердан 100 минг дона товуқ тухумини ўғирлаб кетишди. Етказилган зарар 40 минг долларга баҳоланмоқда, дея хабар берди “Правила жизни”.
Воқеа ўтган шанба, 1 февраль куни содир бўлган, жиноятчилар эса ҳалигача топилмаган. Полиция ходимлари сўзларига кўра, бундай ўғрилик мамлакатда етиштириладиган тухумлар сонининг кескин камайгани ва нархларнинг кўтарилгани сабаб бўлиши мумкин.
“10 йиллик фаолиятим давомида мен ҳеч қачон бундай турдаги безориликка дуч келмаганман. Бу камдам-кам учрайдиган ўғрилик тури”, дея қайд этди полиция хосими Меган Фрэйзер.
Январь ойида АҚШда ўн дона тухумнинг нархи 5,29 долларни ташкил этди, бир йил аввал унинг нархи 3,50 доллар атрофида эди. 2024 йилнинг ноябрь декабрь ойларида 17 миллион товуқларнинг парранда гриппидан нобуд бўлгани ҳамда нархларнинг 50 фоизга ошгани жиноятчиларни шундай ўғрилик қилишга мажбур қилган.
Куз фаслида тарқалган парранда гриппи АҚШдаги тухум етиштириш саноатига катта зарба берди. Мутахассислар фикрича, товуқлар популяциясининг тикланиши учун бир неча ой керак бўлади.
Изоҳ (0)