O‘zbekistonda yozning jazirama issig‘i — ayniqsa iyul—avgust oylaridagi +40°C atrofidagi harorat ayollarni ko‘proq ochiq rangli, yengil matoli, havo o‘tkazuvchi liboslar tanlashga undaydi. Instagram sahifalari orqali millionlab obunachilarga ega bloger ayol-qizlar yozgi obrazlar orqali o‘z uslubini namoyon etmoqda. Zebo Rahimova, Shahlo Alijonova, Nozanin G‘afforova, Umida Abdug‘afforova (Bonamur), Shahrizoda Madaminova, Yunetta Akopyan va Husnora Shodiyeva singari taniqli ayollarning yozgi liboslari va ular tanlagan mato, rang hamda uslubni ko‘rib chiqamiz.
Jaziramada ham zamonaviylikni yo‘qotmagan Husnora Shodiyeva
Husnora yoz uchun erkin, nafis va sayohatbop uslub tanlagan. Ma’lum qilishicha, u Toshkentda butun yoz davomida atigi 10 kun bo‘lgan.
Yozgi garderobida u ochiq ranglar, yengil matolar va minimalistik detallarga ustunlik beradi. Oq, qaymoqrang, sariq va qizil kabi yorqin ranglar uning bu yilgi asosiy tanloviga aylangan. Uslubda esa soddalik bilan birga chiroyli siluet va nafis urg‘ular seziladi. Krop top, uzun yubka, bandana, ko‘zoynak, yengil sandallar — bularning bari Husnoraning bu yozda yaratgan “sayohatchi model” obrazini mustahkamlab turibdi.
Soddalikni tanlovchi Shahlo Alijonova
Instabloger Shahlo Alijonovaning yozgi obrazlarida och ranglar va yengillik ustun. U odatda tabiiy, havo o‘tkazuvchi matolardan tikilgan liboslarni tanlaydi — masalan, paxta yoki viskoza. Bel qismi tor, etagi esa keng shaklda bo‘lgan liboslar uning uslubiga nafislik bag‘ishlaydi. Minimal pardoz, soddaligi bilan ajralib turuvchi aksessuarlar va qulay poyabzallar orqali Shahlo o‘zining yozgi obrazlarini qulaylik va zamonaviylik bilan uyg‘unlashtirgan.
Instabloger Yunetta Akopyan yozning issiq kunlarida ham nafis obrazini saqlab qolgan
Yunetta Akopyan bu yozda klassik siluetlar va zamonaviy detallar uyg‘unligini namoyish etmoqda. +40 °C issiqda ham u o‘z obrazida nafislik va qulaylikni ushlab qolishga erishgan. Uning yozgi luklari orasida oq, qizil, och pushti kabi tuslar ko‘zga tashlanadi. Yengil bluzkalar va atlas matosidan tikilgan ko‘ylaklar Yunettaning obraziga o‘ziga xos hashamat bergan. U yorqin pardoz, mayda aksessuarlar va silliq soch turmagi bilan harorat yuqoriligiga qaramay, o‘zining yoqrin zamonaviy uslubini saqlab qolgan.
Instabloger Nozanin G‘afforova minimalizmga sodiq
Nozanin G‘afforova bu yozda minimalizm — bu hashamat degan tamoyilga sodiq qolgan. Yengil shifon va silliq viskoza matolaridan tikilgan, soddaligi bilan ajralib turuvchi liboslar uning tanlovi bo‘lgan. U luk’larida oq, qora, yashil kabi ranglarni murakkab siluetlarsiz ko‘rsatmoqda. Yaltiroq bo‘lmagan akkessuarlar va sandallar uning obraziga biroz jiddiylik qo‘shadi. Aksessuarlardan nafis zargarlik buyumlari uning umumiy ko‘rinishni birlashtirgan.
Bloger Umida Abdug‘afforova nafislik va zamonaviylikni uyg‘unlashtira oladi
Ayollar kiyim do‘koni asoschisi sifatida Umida Abdug‘afforova — Instagram’da Bonamur nomi bilan tanilgan blogerning yozgi obrazlari yengil krep, satin va shifon matolaridan tikilgan elegant liboslar, A-fasonli ko‘ylaklar, qiyiq yengli midi ko‘ylaklar va oversayz satin kostyumlardan iborat. Ranglarda esa oq, qaymoqrang, to‘q pushti va feruzarang yetakchi. Uning har bir obrazida nafislik va zamonaviylik uyg‘unlashtirilgan.
Shahrizoda Madaminovaning yozgi obrazlarida professionallik, nazokat va zamonaviylik ustun
Model, aktrisa va modellik maktabi asoschisi Shahrizoda obrazlarida professionallik va estetikani birlashtiradi. U yozda harakatga qulay, belni ajratib ko‘rsatuvchi liboslar, gul printli ko‘ylaklarni tanlaydi. Shahrizoda ko‘pincha silliq materiallardan tikilgan, siluetni ta’kidlovchi liboslarni kiyadi. Aksessuarlari esa keragidan ortiq emas — baland poshnali oyoq kiyimlar va nozik taqinchoqlar bilan cheklanadi.
Har qanday ob-havoda qulaylikni afzal ko‘ruvchi Zebiniso Rahimova
Millionlab obunachilarga ega instabloger Zebiniso Rahimovaning yozgi kiyim uslubi sodda, qulay va ayni vaqtda jonli kayfiyatga ega. U, asosan, paxta, viskoza yoki trikotaj kabi yengil, tana “nafas oladigan” matolardan tikilgan liboslarni tanlaydi. U tanlagan ranglar orasida ko‘pincha och pushti, olovrang va boshqa och tuslar ko‘zga tashlanadi — bular esa yozgi ob-havoga mos ranglardir.
Uning obrazlari ko‘proq oddiy ko‘ylaklar, yengil poyabzallar hamda tabassum bilan to‘ldirilgan. Bu soddalik Zeboning stiliga samimiylik va ommaga yaqinlik bag‘ishlaydi.
Izoh (0)