“An-Nassr” hujumchisi Krishtianu Ronaldu Madridning “Real” klubi prezidenti Florentino Peres uning Turinning “Yuventus” jamoasiga o‘tishini bekor qilmoqchi bo‘lgani haqida aytdi.
“Biz ‘Yuventus’ bilan muzokaralarning yakuniy bosqichida edik, Peres esa menga nisbatan unchalik yaxshi munosabatda bo‘lmadi. Men buni tushunaman, chunki u doimo shunday qiladi. Men ‘Real’ga qaytolmasdim, chunki ‘Yuventus’ga so‘z bergandim, lekin Peres bu kelishuvdan voz kechishni istadi. Shunga qaramay, men Florentinoni hurmat qilaman. Umuman olganda, u menga yaxshi munosabatda bo‘lgan, biz birga ko‘plab yutuqlarga erishganmiz”, deya Ronalduning so‘zlarini keltiradi La Sexta.
Ma’lumot uchun, Ronaldu 2009–2018-yillarda “Real” safida to‘p surgan, shundan so‘ng “Yuventus”ga o‘tgan. Uning “An-Nassr” bilan amaldagi shartnomasi 2025-yilgacha davom etadi. Joriy mavsumda Ronaldu barcha turnirlarda 25 ta o‘yinda qatnashib, 23 ta gol va to‘rtta golli uzatmaga mualliflik qilgan.
Izoh (0)