Portugaliya terma jamoasi hujumchisi Krishtianu Ronalduning qiz o‘rtog‘i ispaniyalik model Jorjina Rodriges Saudiya Arabistoniga ko‘chib o‘tish jarayoni haqida gapirdi.
30 yoshli model Ronaldu Saudiya Arabistonining “An-Nassr” jamoasi bilan shartnoma imzolaganida yengillik his qilganini tan oldi, sababi u o‘sha payti Manchester shahridan ketishni xohlagan.
Krishtianu menga “An-Nassr”da o‘ynashini aytganida, men juda xursand bo‘ldim, chunki men Manchesterni tark etishni juda xohlardim. Bizni katta narsa kutayotganini bilardim.
Saudiya Arabistoniga kelganimdan mamnunman. Hamma narsa tezda sodir bo‘ldi. Oldin hech qachon mehmonxonada bunchalik uzoq yashamaganimiz uchun menda noqulayliklar bor edi. Ba’zida hech kim meni ko‘rishini istamagan kunlar bo‘ldi, — deydi Jorjina.
Ma’lumot uchun, 2022-yilning noyabr oyida Ronalduning jurnalist Pirs Morganga bergan shov-shuvli intervyusidan parchalar chop etilgan edi. Ulardan birida futbolchi Ten Hagni yoqtirmasligini, murabbiy va boshqa bir nechta rahbariyatdagilar uning klubdan ketishini xohlayotganini bayon qilgandi.
Ronalduning “An-Nassr” bilan shartnomasi 2025-yilning 30-iyuniga qadar amal qiladi. 39 yoshli hujumchi Turinning “Yuventus”, “Real” va Lissabonning “Sporting” klublarida ham faoliyat olib borgan.
Izoh (0)