Portugaliyalik 39 yoshli hujumchi Krishtianu Ronaldu Millatlar Ligasi “A” guruhi 1-tur uchrashuvida Xorvatiyaga qarshi (2:1) bo‘lib o‘tgan uchrashuvda faoliyatidagi 900-golini urganidan so‘ng o‘z his-tuyg‘ulari bilan o‘rtoqlashdi.
“Men bu haqda orzu qilardim va yana boshqa maqsadlarim ham bor. Hammaga rahmat!”, deb yozdi Ronaldu o‘zining ijtimoiy tarmoqdagi sahifasida.
Ma’lumot uchun, Ronaldu rasmiy o‘yinlarda 900 ta gol urgan tarixdagi birinchi futbolchi bo‘ldi. Krishtianu “Sporting” uchun 5 ta, “Manchester Yunayted” bilan 145 ta, “Real” klubi safida 450 ta, “Yuventus” safida 101 ta, “An-Nassr” klubi bilan 68 ta gol urgan. Terma jamoa safida futbolchi 131 ta gol urishga muvaffaq bo‘lgan.
4-sentyabr kuni UEFA Millatlar Ligasi “A” Ligasi 1-tur uchrashuvida Portugaliya va Xorvatiya terma jamoalari to‘qnash keldi. O‘yin Lissabondagi (Portugaliya) “Da Luz” stadionida bo‘lib o‘tdi. Uchrashuv 2:1 hisobida Portugaliya jamoasi foydasiga hal bo‘ldi.
2000-yilda Pele Xalqaro futbol tarixi va statistikasi federatsiyasi (IFFHS) tomonidan “Asrning eng yaxshi o‘yinchisi” deb topilgan. U 1363 o‘yinda 1279 ta gol urib Ginnes rekordlari kitobiga kiritilgan. Futbolchi urgan gollarning ko‘p o‘rtoqlik o‘yinlarida ham kiritilganini alohida e’tirof etish joiz.
Izoh (0)