Moldovaning “Dachiya” klubi “An-Nassr” hujumchisi Krishtianu Ronalduga o‘z safiga qo‘shilish uchun taklif bilan murojaat qildi.
“Bizningcha, Ronalduning “An-Nassr” bilan shartnomasini uzaytirmagani va qishki transfer oynasida erkin agentga aylanishi biz uchun imkoniyatdir. Uning futbolchilik faoliyatini davom ettirishi uchun eng yaxshi tanlov bizning klubimiz deb hisoblaymiz, bunga bir nechta sabab bor.
Birinchidan, u boshqa ranglarga o‘rganish shart emas, biz ham sariq va ko‘k ranglarda o‘ynaymiz. Ikkinchidan, faoliyatini yakunlagach, unga klub administratsiyasida xalqaro elchi yoki bolalar guruhlarida murabbiylik lavozimini taklif qilamiz. Krishtianu, seni kutamiz”, deyiladi jamoaning ijtimoiy tarmoqlarda e’lon qilingan bayonotida.
Ma’lumot uchun, Ronaldu “An-Nassr”da 2023-yildan beri davom etmoqda. Ushbu davr mobaynida futbolchi 59 ta o‘yinda maydonga tushdi va shuncha bor raqiblar darvozasiga to‘p kiritdi.
Ayni vaqtda futbolchining transfer qiymati 12 million yevroga baholanmoqda.
Avvalroq futbolchi kelajagi borasida 3 tanlovdan birini tanlash niyatida ekani xabar berilgandi.
Izoh (0)