“An-Nassr” hujumchisi Krishtianu Ronaldu Saudiya klubidagi kelajagi bo‘yicha qaror qabul qilishga shoshilmayapti.
TEAMtalk ma’lumotlariga ko‘ra, portugaliyalik futbolchi o‘z kelajagi borasida uchta variantni ko‘rib chiqmoqda. Birinchi variant — “An-Nassr” bilan shartnomani uzaytirish va klub rahbariyatidan tarkibni jiddiy kuchaytirishni so‘rash. Shuningdek, Ronaldu Portugaliyaga qaytish imkoniyatini ham ko‘rib chiqadi. Uchinchi variant esa futbolchilik faoliyatini yakunlash.
Ma’lumot uchun, Ronaldu 2023-yildan beri “An-Nassr” safida o‘ynamoqda. Ushbu davr mobaynida futbolchi 59 ta o‘yinda maydonga tushdi va shuncha bor raqiblar darvozasiga to‘p kiritdi.
Futbolchining klub bilan tuzgan shartnomasi 2025-yilgacha mo‘ljallangan. Ayni vaqtda futbolchining transfer qiymati €12 million yevroga baholanmoqda.
Avvalroq futbolchi Osiyo Chempionlar ligasida g‘alaba qozonishni xohlashini aytgandi.
Izoh (0)