“An-Nassr” hamda Portugaliya terma jamoasi hujumchisi Krishtianu Ronaldu futbolni professional darajada davom ettirishga nima undayotgani haqida gapirdi.
Men noyob futbolchiman. Bundan tashqari, hayotda yaxshi insonman. Men uchun eng muhimi shu.
Rostini aytsam, men hozirgi holatimdagi odamga aylanaman deb hech o‘ylamagan edim. Men doim professional futbolchi bo‘lishimga ishonganman. Qolgan narsalarga esa yo‘q. Mening butun hayotim sinovdan iborat. Katta shaharda yashash uchun 11 yoshimda uydan chiqib ketdim. Shuning uchun men uchun bu oson. Men Madeyrani Lissabonga, Lissabonni Angliyaga, Angliyani Italiyaga almashtirganman... Men uchun bu muammo emas, bu mening hayotimning bir qismi, bu mening o‘ziga xosligim. Men bunday hayotga o‘rganib qolganman”, — dedi Ronaldu YouTube’dagi kanalida.
Krishtianu Ronaldu rasmiy o‘yinlarda 902 ta gol urgan tarixdagi birinchi futbolchi bo‘ldi. Ronaldu “Sporting” uchun 5 ta, “Manchester Yunayted” bilan 145 ta, “Real” bilan 450 ta, “Yuventus” bilan 101 ta, “An-Nassr” bilan 69 ta va terma jamoa bilan 132 ta gol urishga muvaffaq bo‘lgan. Hujumchi milliy terma jamoalar, Yevropa chempionati, Chempionlar Ligasi va Klublar o‘rtasidagi jahon chempionati tarixidagi eng yaxshi to‘purar hisoblanadi.
Hozirgi kunda Youtube’da 63 millionga yaqin inson Ronalduga obuna bo‘lgan.
Izoh (0)